ബത്തേരി: ബത്തേരി പോലീസ് സ്റ്റേഷന്‍ പരിധിയിലെ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതിക്ക് കോടതി മൂന്ന് ജീവപര്യന്തം ശിക്ഷ വിധിച്ചു. നൂല്‍പ്പുഴ തേലംമ്പറ്റ കോയാലിപുര കോളനി ഗണേശ് എന്ന ഗണപതി (54) യെയാണ് കല്‍പ്പറ്റ ഫാസ്റ്റ് ട്രാക്ക് സ്‌പെഷല്‍ കോടതി ജഡ്ജി കെ.ആര്‍.സുനില്‍ കുമാര്‍ വിവിധ വകുപ്പുകളിലായി മൂന്ന് ജീവപര്യന്തം ശിക്ഷ വിധിച്ചത്. പോക്സോ നിയമത്തിന്റെ വിവിധ വകുപ്പ് പ്രകാരം 2 ജീവപര്യന്തവും, ഓരോ ലക്ഷം രൂപ പിഴയും, ബലാത്സംഗ കുറ്റത്തിന് ജീവപര്യന്തവും ഒരു ലക്ഷം പിഴയും, 506 വകുപ്പ് പ്രകാരം 5 വര്‍ഷം തടവും 25000 രൂപ പിഴയുമാണ് വിധിച്ചത്. 2019 ല്‍ രജിസ്റ്റര്‍ ചെയ്ത കേസിലാണ് ശിക്ഷ.എല്ലാ ശിക്ഷയും പ്രതി ഒരുമിച്ച് അനുഭവിച്ചാല്‍ മതി. പതിനാറ് വയസ്സുള്ള കുട്ടിയെ ലൈംഗികമായി പീഡിപ്പിക്കുകയും അടിച്ച് പരിക്കേല്‍പ്പിക്കുകയും ചെയ്തതായാണ് പരാതി. വിവരം പുറത്ത് പറഞാല്‍ കൊല്ലുമെന്ന് വധഭീഷണി മുഴക്കുകയും ചെയ്തിരുന്നു. ലൈംഗിക പീഡനത്തിന് ശേഷമുണ്ടായ മര്‍ദ്ദനത്തില്‍കുട്ടിയുടെ കണ്ണിന് സാരമായി പരിക്കേല്‍ക്കുകയും ചെയ്തതിനാല്‍ കാഴ്ചക്കുറവുണ്ടാകുകയും ചെയ്തിട്ടുണ്ട്.കല്‍പ്പറ്റ ഫാസ്റ്റ് ട്രാക്ക് സ്‌പെഷല്‍ പോക്സോ കോടതി ജഡ്ജി കെ.ആര്‍.സുനില്‍ കുമാര്‍ ആണ് വിധി പ്രസ്താവിച്ചിട്ടുള്ളത്. ആദ്യഘട്ടത്തില്‍ അഡ്വ.യു.കെ. പ്രിയയും, നിലവില്‍ അഡ്വ.ജി.ബബിതയുമാണ് പ്രോസിക്യൂഷന് വേണ്ടി ഹാജരായത്.
റോക്കറ്റ് വേഗത്തില്‍ കുതിച്ചുയര്‍ന്ന് ബിരിയാണി അരിവില; കയമ കിലോയ്ക്ക് 230 രൂപ, ബിരിയാണി വിലയും കൂടി
കോഴിക്കോട്: ബിരിയാണി ഇഷ്ടപ്പെടാത്ത മലയാളികളുണ്ടോ? എന്ത് ചോദ്യമാണല്ലേ… എന്നാൽ കയമ അരിയുടെ വില പോകുന്ന പോക്ക് കണ്ട് ബിരിയാണി പ്രിയം അൽപം കുറഞ്ഞെങ്കിൽ അതിൽ തെറ്റുപറയാനില്ല. കേരളത്തിൽ ബിരിയാണിക്ക് കൂടുതൽ ഉപയോഗിക്കുന്ന കയമ അരിക്ക്
