മാലിന്യമുക്ത നവകേരളം പരിപാടിയുടെ ഭാഗമായി പനമരം സാമൂഹിക ആരോഗ്യ കേന്ദ്രത്തിന്റെയും, ഗ്രാമപഞ്ചായത്തിന്റെയും സംയുക്താഭിമുഖ്യത്തിൽ ഹോട്ടലുകളിലും വ്യാപാരസ്ഥാപനങ്ങളിലും ശുചിത്വ പരിശോധന നടത്തി. പനമരം സി എച്ച് സി ഹെൽത്ത് ഇൻസ്പെക്ടർ ഹരീഷ്, ജെ എച്ച് ഐ പ്രജീഷ്, ഗ്രാമപഞ്ചായത്ത് ഹെൽത്ത് ഇൻസ്പെക്ടർ സനീഷ് എന്നിവരുടെ നേതൃത്വത്തിലാണ് പരിശോധന നടത്തിയത്. പരിശോധനയിൽ പഴകിയ ഭക്ഷ്യവസ്തുക്കൾ, പുനരുപയോഗിച്ച എണ്ണ എന്നിവ കണ്ടെടുത്തു നശിപ്പിച്ചു. ലൈസൻസ് ഇല്ലാതെ പ്രവർത്തിച്ച കടകൾക്കെതിരെ നോട്ടീസ് നൽകി. മാലിന്യ സംസ്കരണം കാര്യക്ഷമമാക്കുന്നതിന്റെ ഭാഗമായുള്ള സ്‌ക്വാഡ് പ്രവർത്തനം വരും ദിവസങ്ങളിലും ശക്തമായി തുടരുന്നതാണ്.
ടെന്‍ഡര്‍ ക്ഷണിച്ചു.
കണിയാമ്പറ്റ ഗവ മോഡല്‍ റസിഡന്‍ഷല്‍ സ്‌കൂളിലേക്ക് സ്‌പോര്‍ട്‌സ് ഉപകരണങ്ങള്‍ വിതരണം ചെയ്യാന്‍ താത്പര്യമുള്ള വ്യക്തികള്‍/ സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ ജൂലൈ നാലിന് ഉച്ചയ്ക്ക് 12 നകം നല്‍കണം. ഫോണ്‍- 04936 202232
