‘കന്നിക്കൊയ്ത്ത്’ എസ്.വൈ.എസ് ജില്ലാ കാർഷിക ശിൽപശാല ഇന്ന്

കൽപറ്റ: എസ്.വൈ.എസ് സാമൂഹികം വകുപ്പിന് കീഴിൽ നടപ്പിൽ വരുത്തുന്ന വ്യത്യസ്ത കാർഷിക,സാമൂഹികക്ഷേമ പദ്ധതികളുടെ തുടർച്ചയായി തിരഞ്ഞെടുക്കപ്പെട്ട നൂറോളം കർഷകർക്കുള്ള ശിൽപശാല “കന്നിക്കൊയ്ത്ത്” ഇന്ന് ഉച്ചക്ക് 2 മണി മുതൽ 6 മണി വരെ ആർവാൾ പുഴക്കൽ പീടികയിൽ പ്രത്യേകം സജ്ജീകരിച്ച ഹാളിൽ വെച്ച് നടക്കും.ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ ശിൽപശാല ഉദ്ഘാടനം ചെയ്യും. ജില്ലാ കൃഷി വകുപ്പ് അസിസ്റ്റൻ്റ് ഡയറക്ടർ കെ.മമ്മൂട്ടി , സംസ്ഥാനത്തെ മികച്ച രണ്ടാമത്തെ കൃഷി ഓഫീസറായി തിരഞ്ഞെടുക്കപ്പെട്ട തൊണ്ടർനാട് കൃഷി ഓഫീസർ മുഹമ്മദ് ശഫീഖ് ,ചെറുവേരി മുഹമ്മദ് സഖാഫി തുടങ്ങിയവർ സെഷനുകൾക്ക് നേതൃത്വം നൽകും. എസ്.വൈ.എസ് ജില്ലാ പ്രസിഡണ്ട് ബശീർ സഅദി നെടുങ്കരണ , ജനറൽ സെക്രട്ടറി അബ്ദുൽ ലതീഫ് സി.ടി സംസാരിക്കും.

ജില്ലയിൽ വ്യത്യസ്ത പ്രദേശങ്ങളിലെ തദ്ദേശ സ്ഥാപനങ്ങളിൽ കർഷക അവാർഡ് ലഭിച്ച യുവകർഷകരും വിദ്യാർത്ഥി കർഷകരുമായ പ്രവർത്തകരെ ആദരിക്കും. ജില്ലാ സാമൂഹികം പ്രസിഡണ്ട് ഗഫൂർ അഹ്സനി അദ്ധ്യക്ഷം വഹിക്കും. നസീർ കോട്ടത്തറ, സുബൈർ അഹ്സനി, ഉമർ സഖാഫി ചെതലയം, ശമീർ ടി.എം,ഫള് ലുൽ ആബിദ്, ഡോ.മുഹമ്മദ് ഇർഷാദ്,ഹാരിസ് ,കമറുദ്ധീൻ ബാഖവി, ബശീർ സി.എം സംബന്ധിക്കും