കല്‍പ്പറ്റ: വയനാടിനെ ബാലസൗഹൃദ ജില്ലയായി മാറ്റുന്നതിനുള്ള മാര്‍ഗ്ഗരേഖ തയ്യാറാക്കുന്നതിന് ജ്വാല സെന്റര്‍ ഫോര്‍ ചൈല്‍ഡ് റൈറ്റ്‌സ് ആന്‍ഡ് എംപവര്‍മെന്റിന്റെ നേതൃത്വത്തില്‍ കുട്ടികളുമായി ബന്ധപ്പെട്ട വിവിധ വകുപ്പുകള്‍, സന്നദ്ധ സംഘടനാ പ്രതിനിധികള്‍, വിദഗ്ധര്‍ എന്നിവരുടെ ശിൽപ്പശാല സംഘടിപ്പിച്ചു.കുട്ടികളുമായി ബന്ധപ്പെട്ട എല്ലാ ഇടങ്ങളും ബാല സൗഹൃദമാക്കുന്നതിന് ബന്ധപ്പെട്ട എല്ലാവരും നടപ്പിലാക്കേണ്ടുന്ന കര്‍മ്മ പരിപാടികള്‍, കുട്ടികള്‍ നിലവില്‍ നേരിടുന്ന പ്രശ്‌നങ്ങളും പരിഹാരങ്ങളും, സംവിധാനങ്ങളുടെയും രക്ഷിതാക്കളുടെയും ഉത്തരവാദിത്വങ്ങളും പങ്കാളിത്തവും എന്നിവക്ക് ശിൽപ്പശാല രൂപം നൽകി.സെന്റര്‍ ഫോര്‍ ചൈല്‍ഡ് റൈറ്റ്‌സ് ആന്റ് എംപവര്‍മെന്റിന്റെ ലോഗോ വയനാട് ജില്ല സ്‌പെഷ്യല്‍ ജുവനൈല്‍ പോലീസ് യൂണിറ്റ് നോഡല്‍ ഓഫീസര്‍ റബിയത്ത്.പി പ്രകാശനം ചെയ്തു.ജ്വാല പ്രസിഡന്റ് പി. സി. ജോസ് മോഡറേറ്ററായിരുന്നു. ഡയറക്ടര്‍ സി.കെ.ദിനേശന്‍,എസ്.എസ്.കെ പ്രോഗ്രാം കോ ഓഡിനേറ്റര്‍ അനില്‍കുമാര്‍.വി, ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് പ്രൊട്ടക്ഷന്‍ ഓഫീസര്‍ മജേഷ് രാമന്‍, വിമുക്തി ജില്ലാ മിഷന്‍ കോ.ഓഡിനേറ്റര്‍ ഫെബിന വി റൗഫ്, നീതി വേദി ഡയറക്ടര്‍ ഫ്‌ലെയിസി ജോസ്, ജോസഫ് ടി.ജെ, ഷിനിമോള്‍ ബേബി,ജ്വാല ടീം മെമ്പര്‍മാരായ സതീഷ് കുമാര്‍ പി. വി,ലക്ഷ്മണന്‍ ടി.എ,റീജ കെ ആര്‍,മെല്‍ഹ മാണി എന്നിവര്‍ സംസാരിച്ചു.
കേരളത്തിലെ എല്ലാ ജില്ലകളിലും മഴയ്ക്കും ശക്തമായ കാറ്റിനും സാധ്യത; തൃശ്ശൂരിൽ വിദ്യാഭ്യാസ സ്ഥാപനങ്ങൾക്ക് അവധി
തിരുവനന്തപുരം: കേരളത്തില്‍ അടുത്ത മണിക്കൂറുകളില്‍ കാറ്റിനും മഴയ്ക്കും സാധ്യതയുള്ളതായി കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. എല്ലാ ജില്ലകളിലും ഒറ്റപ്പെട്ടയിടങ്ങളില്‍ ഇടത്തരം മഴയ്ക്കും മണിക്കൂറില്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുള്ളതായി കാലാവസ്ഥ
