വെള്ളമുണ്ട മൂന്നാം വാർഡിൽ പ്രധാന ആശ്രയമായ താനിച്ചുവട് റോഡ് പൂർണമായി തകർന്നു. വർഷക്കാലം റോഡിലൂടെ പരന്നോഴുകുന്ന വെള്ളക്കെട്ടാണ് റോഡിന്റെ ശോചനീയാവസ്ഥക്ക് പ്രധാന കാരണം.
കഴിഞ്ഞ രണ്ടു വർഷക്കാലം റോഡിന്റെ യാതൊരു വിധ അറ്റകുറ്റപണികളും നടത്താത്തതിനാൽ കാൽനട പോലും ദുസ്സഹമായിരിക്കുകയാണെന്ന് നാട്ടുകാർ ആരോപിക്കുന്നു. പല കുറി അധികൃതരുടെ ശ്രദ്ധയിൽ പെടുത്തിയിട്ടും റോഡിന്റെ നിലവിലെ അവസ്ഥക്ക് കാര്യമായ പരിഹാരം കണ്ടില്ലെന്നാണ് പ്രദേശവാസികളുടെ പരാതി.
സ്പോട്ട് അഡ്മിഷൻ
നെന്മേനി ഗവ. വനിത ഐടിഐയിൽ ഫാഷൻ ഡിസൈൻ ആന്റ് ടെക്നോളജി ട്രേഡിൽ സ്പോട്ട് അഡ്മിഷൻ നടത്തുന്നു. താൽപ്പര്യമുള്ളവർ അസൽ സർട്ടിഫിക്കറ്റുകൾ, ടിസി എന്നിവയും ഫീസും ഉൾപ്പെടെ ഓഗസ്റ്റ് 12നകം ഐടിഐയിൽ നേരിട്ട് അപേക്ഷ നൽകണം.
