കാവുംമന്ദം: 2022-23 വർഷത്തെ വയനാട് ജില്ലയിലെ മികച്ച രണ്ടാമത്തെ ഗ്രാമ പഞ്ചായത്തിലുള്ള സ്വരാജ് ട്രോഫി തരിയോട് ഗ്രാമപഞ്ചായത്തിന് ലഭിച്ചു. പ്രസ്തുത കാലയളവിലെ വികസന ക്ഷേമ പ്രവർത്തനങ്ങളിലുള്ള മേന്മ കണക്കിലെടുത്താണ് പുരസ്കാരം. മാലിന്യ നിർമ്മാർജ്ജന പ്രവർത്തനങ്ങൾ, ശുചിത്വ പ്രവർത്തനങ്ങൾ, തൊഴിൽ നൈപുണ്യ പ്രവർത്തനങ്ങൾ, അതിദാരിദ്ര ലഘൂകരണ പ്രവർത്തനങ്ങൾ, ആരോഗ്യ വിദ്യാഭ്യാസ മേഖലകളിലെ പദ്ധതികൾ, പൊതുഭരണം, കുടിവെള്ളം, സാമൂഹ്യ സുരക്ഷാ പദ്ധതികൾ, ലിംഗസമത്വം, അവശവിഭാഗങ്ങൾക്കുള്ള വിവിധ പദ്ധതികൾ, തൊഴിലുറപ്പ് പദ്ധതി പ്രവർത്തനങ്ങൾ തുടങ്ങിയ മേഖലകളിലെ പഞ്ചായത്തിന്റെ പ്രവർത്തനങ്ങൾ വിലയിരുത്തിയാണ് പുരസ്കാരം. തനത് വരുമാനം വർദ്ധിപ്പിക്കുന്ന പ്രവർത്തനങ്ങൾക്കൊപ്പം പദ്ധതി നിർവഹണത്തിലെ കാര്യക്ഷമതയും ഈ പുരസ്കാരത്തിന് പരിഗണിക്കപ്പെടുന്നതിൽ നിർണായകമായി. ഭരണസമിതിയുടെയും ഉദ്യോഗസ്ഥരുടെയും ആസൂത്രണ സമിതി, വർക്കിംഗ് ഗ്രൂപ്പുകൾ, കുടുംബശ്രീ തുടങ്ങിയവയുടെ കൂട്ടായ പ്രവർത്തനങ്ങളും ജനങ്ങളുടെ വലിയ പിന്തുണയും ഈ നേട്ടത്തിനു പിറകിലെ ചാലകശക്തിയാണ്. പ്രസിഡണ്ട് വി ജി ഷിബു, വൈസ് പ്രസിഡണ്ട് ഷീജ ആന്റണി, സ്ഥിരം സമിതി അധ്യക്ഷൻമാരായ പുഷ്പ മനോജ്, രാധ പുലിക്കോട്, ഷമീം പാറക്കണ്ടി, അംഗങ്ങളായ കെ വി ഉണ്ണികൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസൺ, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വേർഡ്, കെ എൻ ഗോപിനാഥൻ എന്നിവരാണ് ഭരണസമിതി അംഗങ്ങൾ. എം ബി ലതികയാണ് സെക്രട്ടറി.
ഒഴിവാക്കുക! ഈ മൂന്ന് ഭക്ഷണങ്ങൾ നിങ്ങളുടെ മുഖത്ത് വേഗത്തിൽ പ്രായക്കൂടുതല്‍ തോന്നിപ്പിക്കും
ചര്‍മ്മത്തിന്‍റെ ആരോഗ്യം സംരക്ഷിക്കാനായി ഭക്ഷണകാര്യത്തില്‍ ഏറെ ശ്രദ്ധ വേണം. പഞ്ചസാര അടങ്ങിയ ഭക്ഷണങ്ങള്‍, സംസ്കരിച്ച ഭക്ഷണങ്ങള്‍, അമിതമായി കൊഴുപ്പ് അടങ്ങിയ ഭക്ഷണങ്ങള്‍ തുടങ്ങിയവയൊക്കെ ചര്‍മ്മത്തെ മോശമാക്കുകയും മുഖത്ത് പ്രായം തോന്നിക്കാന്‍ കാരണമാവുകയും ചെയ്യും. അത്തരത്തില്‍
