ലോക്‌സഭാ തെരഞ്ഞെടുപ്പിനോടനുബന്ധിച്ച് ജില്ലാ സോഷ്യല്‍ മീഡിയ സെല്ലിന്റെ ആഭിമുഖ്യത്തില്‍ ‘വോട്ടറിവ്’ എന്ന പേരില്‍ ഓണ്‍ലൈന്‍ ക്വിസ് മത്സരം സംഘടിപ്പിക്കുന്നു. ഗൂഗിള്‍ ഫോം വഴിയാണ് മത്സരം സംഘടിപ്പിക്കുന്നത്. വോട്ടര്‍മാരെ സ്വതന്ത്രവും നീതിയുക്തവും സമാധാനപരവുമായ തെരഞ്ഞെടുപ്പിന്റെ ഭാഗമാക്കുക, പൊതുജനങ്ങളെ നിര്‍ഭയമായി വോട്ട് ചെയ്യാന്‍ സന്നദ്ധരാക്കുക എന്നീ ലക്ഷ്യത്തോടെയാണ് ക്വിസ് സംഘടിപ്പിക്കുന്നത്. മത്സരത്തില്‍ പ്രായഭേദമന്യേ ആര്‍ക്കും പങ്കെടുക്കാം. ഏപ്രില്‍ 15 മുതല്‍ 20 വരെയുള്ള ദിവസങ്ങളില്‍ സൗകര്യപ്രദമായ സമയത്ത് ‘വോട്ടറിവി’ന്റെ ഭാഗമാകാം. വിജയികള്‍ക്ക് ആകര്‍ഷകമായ സമ്മാനങ്ങളും പങ്കെടുക്കുന്ന എല്ലാവര്‍ക്കും അനുമോദനപത്രവും നല്‍കും. ഗൂഗിള്‍ ഫോം ലിങ്ക് ഏപ്രില്‍ 15 ന് ജില്ലാ കളക്ടറുടെ സോഷ്യല്‍ മീഡിയ പേജുകളില്‍ (ഫേസ്ബുക്, ഇന്‍സ്റ്റഗ്രാം, വാട്‌സ്ആപ്പ് ചാനല്‍) ലഭ്യമാകും.
വാട്‌സ്ആപ്പ് ലിങ്ക് :
https://whatsapp.com/channel/0029Va4qfwI89inYbKT4vK1G
ഫേസ്ബുക് ലിങ്ക് :
https://www.facebook.com/wayanadWE
ഇന്‍സ്റ്റഗ്രാം ലിങ്ക് :
https://www.instagram.com/collectorwayanad?igsh=MXM1Mm9lYTl2Z2Qweg==
