പിണങ്ങോട്: നടവയൽ വച്ച് നടന്ന ജില്ലാ സ്കൂൾ കലോത്സവത്തിൽ ഡബ്ലിയു. ഓ. എച്ച് എസ് .എസ് പിണങ്ങോട് ,ഹയർ സെക്കൻഡറി വിഭാഗത്തിൽ ജേതാക്കളായി. ഹയർസെക്കൻഡറി വിഭാഗത്തിൽ 110 പോയിൻറ് നേടിയാണ് പിണങ്ങോട് ഓവറോൾ കിരീടം ചൂടിയത്. 18 വ്യക്തിഗത ഇനങ്ങളിലും 4 ഗ്രൂപ്പിനങ്ങളിലും ആയി 55 വിദ്യാർത്ഥികൾ പങ്കെടുത്തു. 8 വ്യക്തിഗത ഇനങ്ങളിലും ഒരു ഗ്രൂപ്പിനത്തിലും ജില്ലയിൽ ഒന്നാം സ്ഥാനം നേടി വിദ്യാലയത്തിലെ 15 വിദ്യാർത്ഥികൾ സംസ്ഥാന കലോത്സവത്തിലേക്ക് യോഗ്യത നേടി. മോണോ ആക്ട് നാടൻപാട്ട് എന്നീ രണ്ടിനങ്ങളിൽ ഒന്നാം സ്ഥാനം നേടിയ വൈഗ എസ് ദിനേശും, മാപ്പിളപ്പാട്ട് ഉറുദു ഗസൽ എന്നിവയിൽ ഒന്നാം സ്ഥാനം നേടിയ ഹെമിൻ സിഷ യും, അറബിക് ഉപന്യാസം, അറബിക് കവിത രചന എന്നിവയിൽ ഒന്നാം സ്ഥാനം നേടിയ അദീബും മേളയുടെ താരങ്ങളായി. വിജയികളായ വിദ്യാർത്ഥികളെയും കൺവീനർമാരായ ആബിദ് , അനീഷ് പി, ഷംനാസ് താജുനിസ എന്നിവരെയും പിടിഎയും മാനേജ്മെൻ്റും അനുമോദിച്ചു.
പൊതുജന പരാതി പരിഹാരം
ജനങ്ങൾക്കായി ജനങ്ങളോടൊപ്പം വയനാട് ജില്ലാ കളക്ടറും ഉദ്യോഗസ്ഥരും നേരിട്ടെത്തുന്നു കൽപ്പറ്റ: പൊതുജനങ്ങളുടെ പ്രശ്‌നങ്ങൾക്ക് പരിഹാരം കണ്ടെത്താൻ ജന ങ്ങൾക്കായി ജനങ്ങളോടൊപ്പം വയനാട് ജില്ലാ കളക്ടറും ഉദ്യോഗസ്ഥരും നേരിട്ട് സംവദിക്കുന്നു. ജില്ലയിലെ ഗ്രാമപഞ്ചായത്തുകൾ കേന്ദ്രീകരിച്ചാണ് ജില്ലാ
