ദേശീയ ഗ്രാമീണ തൊഴിലുറപ്പ് പദ്ധതി ഫണ്ട് വിഹിതം കേന്ദ്രസർക്കാർ വർഷം തോറും വെട്ടിക്കുറയ്ക്കുന്നത് സ്ഥിരീകരിച്ച് രാജ്യസഭയില് ഗ്രാമവികസന സഹമന്ത്രി കമലേഷ് പാസ്വാന്റെ മറുപടി. 2020-21ല് 1.1 ലക്ഷം കോടി രൂപയായിരുന്നത് 2021-22ല് 97,794 കോടിയായി കുറച്ചു. 2022-23ല് 90,041 കോടിയും 2023-24ല് 88,554 കോടിയുമായും വെട്ടിക്കുറച്ചു. 2021-22ല് 11.37 ശതമാനം, 2022-23-ല് 7.93 ശതമാനം, 2023-24ല് 1.65 ശതമാനവുമാണ് കുറച്ചത്. തൊഴില് ദിനങ്ങളിലും കുറവുണ്ടായി. 2022-23ല് തൊഴില് ദിനങ്ങളിലെ ഇടിവ് 18.92 ശതമാനമായിരുന്നു. 2023-24ല് തൊഴില്ദിനങ്ങള് വർധിച്ചിട്ടും ചെലവഴിച്ച തുക കുറഞ്ഞു. കേന്ദ്രവിഹിതം സംസ്ഥാനങ്ങള്ക്ക് കൈമാറുന്നതില് വരുത്തുന്ന കാലതാമസത്തിന് തെളിവാണിത്. തൊഴിലുറപ്പ് പദ്ധതിയിലെ ശരാശരി വേതനം കുറയുകയോ കാര്യമായി വർധിക്കാതെ നില്ക്കുകയോ ചെയ്യുന്നതായും കണക്കുകള് കാണിക്കുന്നു. 2019-20ല് 267 രൂപ, 2020-21ല് 283 രൂപ, 202-222ല് 269 രൂപ, 2022-23ല് 304 രൂപ, 2023-24ല് 283 രൂപ എന്നിങ്ങനെയാണ് ശരാശരി വേതന നിരക്ക്. ഗ്രാമീണ തൊഴിലില്ലായ്മ വലിയ പ്രശ്നമായി തുടരുമ്പോഴും തൊഴിലുറപ്പ് പദ്ധതി വിഹിതം കുറയ്ക്കുന്നത് ദരിദ്ര ജനതയോടുള്ള വെല്ലുവിളിയാണെന്ന് വി.ശിവദാസൻ എംപി പ്രതികരിച്ചു.
തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു
മീനങ്ങാടി ഗവ. പോളിടെക്നിക് കോളജിലെ തുടര്വിദ്യാഭ്യാസ കേന്ദ്രത്തില് ഓഗസ്റ്റിൽ ആരംഭിക്കുന്ന തൊഴിലധിഷ്ഠിത ഹ്രസ്വകാല കോഴ്സുകളിലേക്ക് അപേക്ഷ ക്ഷണിച്ചു. റഫ്രിജറേഷന് ആന്റ് എയര് കണ്ടീഷനിങ്, ഇലക്ട്രിക്കല് വയറിങ് ആന്ഡ് സര്വ്വീസിങ് (വയര്മാന് ലൈസന്സിങ് കോഴ്സ്) കോഴ്സുകളിലേക്ക്
