ജില്ലാ എംപ്ലോയ്മെന്റ് എക്സ്ചേഞ്ചിൻ്റെ ആഭിമുഖ്യത്തിൽ കൽപ്പറ്റ എസ്.കെ.എം. ജെ സ്കൂളിൽ തൊഴിൽ മേള സംഘടിപ്പിച്ചു. തൊഴിൽ മേളയിൽ 940 ഉദ്യോഗാർത്ഥികൾ പങ്കെടുത്തു. വിവിധ തസ്തികകളിലായി 196 പേർക്ക് നിയമനം നൽകുകയും 407 പേരെ ഷോർട് ലിസ്റ്റിൽ ഉൾപ്പെടുത്തുകയും ചെയ്തു. മേളയിൽ 23 ഉദ്യോഗദായകർ പങ്കെടുത്തു. തൊഴിൽ മേള ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ ഉദ്ഘാടനം ചെയ്തു. കൽപ്പറ്റ നഗരസഭാ ചെയർമാൻ അഡ്വ. ടി.ജെ ഐസക്ക് അധ്യക്ഷനായ പരിപാടിയിൽ കൽപ്പറ്റ ബ്ലോക്ക് പഞ്ചായത്ത് പ്രസിഡന്റ് ചന്ദ്രിക കൃഷ്ണൻ, എസ്.കെ.എം.ജെ ഹയർസെക്കൻഡറി സ്കൂൾ പ്രിൻസിപ്പാൾ സാവിയോ ഓസ്റ്റിൻ, ജില്ലാ എംപ്ലോയ്മെൻ്റ് ഓഫീസർ പി.ടി ജയപ്രകാശ്, എംപ്ലോയ്മെന്റ് ഓഫീസർ (വി.ജി) ടി.സി രാജേഷ്, ഉദ്യോഗസ്ഥർ എന്നിവർ സംസാരിച്ചു.
‘കുട്ടിയും കോലും’ ഹിറ്റ്; കൊഴിഞ്ഞുപോക്കില്ല, കായിക വിനോദങ്ങളിലൂടെ ഗോത്രവിദ്യാർത്ഥികൾ സ്കൂളിലേക്ക്
ഗോത്രവർഗ വിദ്യാർത്ഥികളുടെ കൊഴിഞ്ഞുപോക്ക് തടയാനും സ്കൂളിൽ ഹാജർ നില മെച്ചപ്പെടുത്താനും ലക്ഷ്യമിട്ട് വരാമ്പറ്റ ജിഎച്ച്എസ് ആരംഭിച്ച ‘കുട്ടിയും കോലും’ പദ്ധതി മികച്ച വിജയം. പഠനത്തോടൊപ്പം കായിക വിനോദങ്ങൾക്ക് പ്രാധാന്യം നൽകുന്ന പദ്ധതിക്ക് മികച്ച പ്രതികരണമാണ്
