വയനാട് ജില്ലയില്‍ ഇന്ന് (26.02.21) 159 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 114 പേര്‍ രോഗമുക്തി നേടി. 154 പേര്‍ക്ക് സമ്പര്‍ക്കത്തിലൂടെയാണ് രോഗബാധ. നാല് പേരുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 26712 ആയി. 25040 പേര്‍ ഇതുവരെ രോഗമുക്തരായി. നിലവില്‍ 1336 പേരാണ് ചികിത്സയിലുള്ളത്. ഇവരില്‍ 1167 പേര്‍ വീടുകളിലാണ് ഐസൊലേഷനില്‍ കഴിയുന്നത്.
114 പേര്‍ക്ക് രോഗമുക്തി.
കണിയാമ്പറ്റ, മാനന്തവാടി 4 വീതം, പൂതാടി, വൈത്തിരി 3 വീതം, പുല്‍പള്ളി, തവിഞ്ഞാല്‍, തിരുനെല്ലി, നെന്മേനി, മേപ്പാടി 2 വീതം, മൂപ്പൈനാട്, കല്‍പ്പറ്റ, മുള്ളന്‍കൊല്ലി, മീനങ്ങാടി, തൊണ്ടര്‍നാട്, പടിഞ്ഞാറത്തറ, എടവക, വെള്ളമുണ്ട 1 വീതം, വീടുകളില്‍ ചികിത്സയി ലുള്ള 82 പേര്‍ എന്നിവരാണ് രോഗമുക്തരായത്.
444 പേര്‍ പുതുതായി നിരീക്ഷണത്തിൽ
കോവിഡുമായി ബന്ധപ്പെട്ട് ജില്ലയില്‍ ഇന്ന് (26.02.21) പുതുതായി നിരീക്ഷണത്തിലായത് 444 പേരാണ്. 489 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 5662 പേര്‍. ഇന്ന് പുതുതായി 13 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് ഇന്ന് 1286 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 283400 സാമ്പിളുകളില്‍ 275892 പേരുടെ ഫലം ലഭിച്ചു. ഇതില്‍ 249180 നെഗറ്റീവും 26712 പോസിറ്റീവുമാണ്.
