കഴിഞ്ഞ വര്‍ഷം മികച്ച വിജയം നേടിയ ചിത്രമാണ് കാന്താര. റിഷഭ് ഷെട്ടി നായകനായി അദ്ദേഹം തന്നെ സംവിധാനം ചെയ്ത ചിത്രം, ഒരേ സമയം പ്രേക്ഷക പ്രശംസയും നിരൂപണ പ്രശംസയും നേടിയിരുന്നു. ബോക്‌സ് ഓഫീസിലും ചിത്രം വമ്പന്‍ വിജയം സ്വന്തമാക്കിയിരുന്നു. 16 കോടി ബജറ്റില്‍ ഒരുക്കിയ ചിത്രം തീയറ്ററില്‍ നിന്ന് 406.75 കോടിയോളം രൂപയാണ് നേടിയത്. ചിത്രത്തിന്റെ തീയറ്റര്‍ വിജയത്തിന് പിന്നാലെ സിനിമ ഒടിടിയിലും എത്തിയിരിക്കുകയാണ്.
മികച്ച പ്രതികരണമാണ് ചിത്രം ഒടിടിയില്‍ നിന്നും നേടുന്നത്. സിനിമ വന്‍ വിജയം നേടിയതിന് പിന്നാലെ സിനിമയിലെ അഭിനേതാക്കളുടെ പ്രതിഫലം സംബന്ധിച്ച ചര്‍ച്ചകള്‍ സമൂഹ മാധ്യമങ്ങളില്‍ നടന്നിരുന്നു. ഇപ്പോഴിത താരങ്ങളുടെ പ്രതിഫല വിവരം പുറത്തുവന്നിരിക്കുകയാണ്. സിനിമയില്‍ പ്രധാന കഥാപാത്രത്തെ അവതരിപ്പിക്കുകയും ചിത്രം സംവിധാനം ചെയ്യുകയും ചെയ്ത റിഷഭ് ഷെട്ടിക്ക് സിനിമയുടെ വിജയത്തില്‍ വലിയ പങ്കാണ് ഉണ്ടായിരുന്നത്. സിനിമയുടെ നിര്‍മാതാക്കളായ ഹോംബാലെ ഫിലിംസ് അദ്ദേഹത്തിന് 4 കോടി രൂപയാണ് പ്രതിഫലം നല്‍കിയതെന്നാണ് വിവരം.
ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ മുരളിയായി വേഷമിടുന്ന കിഷോറിന് ഒരു കോടി രൂപയാണ് പ്രതിഫലം ലഭിച്ചത്. ഫോറസ്റ്റ് ഓഫീസറായി വേഷമിട്ട നായിക സപ്തമി ഗൗഡയ്ക്ക് പ്രതിഫലമായി ലഭിച്ചത് ഒരു കോടി രൂപയാണെന്നാണ് വിവരം. ചിത്രത്തിലെ പ്രധാന വില്ലന്‍ കഥാപാത്രത്തെ അവതരിപ്പിച്ച അച്യുത് കുമാറിന് ലഭിച്ചത് 40 ലക്ഷം രൂപയാണ്. സുധാകര എന്ന കഥാപാത്രത്തെ അവതരിപ്പിച്ച പ്രമോദ് ഷെട്ടി 60 ലക്ഷം രൂപയാണ് ചിത്രത്തിലെ അഭിനയത്തിന് വാങ്ങിയത്.
‘പ്രതിരോധിക്കാം പകർച്ചവ്യാധികളെ’ ആരോഗ്യക്ലാസ്സ് സംഘടിപ്പിച്ചു.
ജമാഅത്ത് ഇസ്ലാമി കൽപ്പറ്റ ഏരിയ വിംഗ്സ് വയനാടുമായി സഹകരിച്ച് ആരോഗ്യക്ലാസ്സ് സംഘടിപ്പിച്ചു. വിംഗ്സ് വൈസ് പ്രസിഡന്റ് ഡോ.ഷൗക്കീൻ അശ്ഹർ ക്ലാസ്സ് എടുത്തു. സഫിയ.വി,മാരിയത്ത് കാട്ടിക്കുളം, ഡോ.ഷാമില , ഹിന ഹാശിർ, ഏരിയ സെക്രട്ടറി പി.ജസീല
