എൽ.എസ്.എസ്, യു.എസ്.എസ് ക്രാഷ് കോഴ്സ് ഉദ്ഘാടനം ചെയ്തു

ബത്തേരി : പട്ടികവർഗ്ഗ വിദ്യാർത്ഥികളുടെ മത്സര പരീക്ഷാ ശേഷി വർധനവിനുള്ള സമഗ്ര പരിശീലനം നൽകുന്നതിന് ബത്തേരി നഗരസഭ 2023-24 വാർഷിക പദ്ധതി ഫ്ലൈ ഹൈ പ്രൊജക്റ്റിൽ ഉൾപ്പെടുത്തി നടപ്പിലാക്കുന്ന എൽ എസ് എസ് , യു എസ് എസ് പരിശീലനത്തിന്റെ ഉദ്ഘാടനം വിദ്യാഭ്യാസ സ്ഥിരം സമിതി അധ്യക്ഷൻ ടോം ജോസ് നിർവഹിച്ചു. ഏപ്രിൽ 26ന് നടക്കുന്ന പരീക്ഷയുടെ ക്ലാസുകൾ , മോഡൽ പരീക്ഷകൾ ഏപ്രിൽ 3 മുതൽ സർവജന സ്‌കൂളിൽ വെച്ചു നടക്കുകയാണ്. സർവജന സ്‌കൂൾ പി ടി എ പ്രസിഡന്റ് അബ്ദുൽ അസ്സീസ് എം , നിർവഹണ ഉദ്യോഗസ്ഥൻ പി എ അബ്ദുൾനാസർ , പരിശീലകരായ അമൃത പി എസ് , ഹസീന കെ എച് എന്നിവർ സംസാരിച്ചു.