കെ.സി.വൈ.എം സംസ്ഥാന സമിതിയുടെ ലഹരി വിരുദ്ധ പ്രവർത്തനങ്ങളോട് ചേർന്ന് നിന്നുകൊണ്ടും, കെ.സി.വൈ.എം മാനന്തവാടി രൂപതയുടെ ലഹരി വിമുക്ത യൗവ്വനം എന്ന ഉപവിഷയത്തെ അടിസ്ഥാനമാക്കിയും, ജൂൺ 25 മുതൽ ജൂലൈ 25 വരെയുള്ള ഒരു മാസം, കെ.സി.വൈ.എം മാനന്തവാടി രൂപത സംഘടിപ്പിക്കുന്ന ലഹരി വിരുദ്ധ ക്യാമ്പയ്ൻ രൂപതാതല ഉദ്ഘാടനം, കെ.സി.വൈ.എം ദ്വാരക മേഖലയുടെ ആതിഥേയത്വത്തിൽ മൊതക്കര യൂണിറ്റിൽവെച്ച് നടത്തപ്പെട്ടു. ഇടവക കൈക്കാരൻ ജോസ് തേക്കനാൽ സ്വാഗതം ആശംസിക്കുകയും, കെ.സി വൈ.എം മാനന്തവാടി രൂപത ഡയറക്ടർ ഫാ. സാന്റോ അമ്പലത്തറ ക്യാമ്പയ്ൻ ഉദ്ഘാടനം ചെയ്ത് ലഹരി വിരുദ്ധ പ്രതിജ്ഞ ചൊല്ലി കൊടുക്കുകയും ചെയ്തു. യൂണിറ്റ് പ്രസിഡന്റ് ജോയൽ തേക്കനാൽ ലഹരി വിരുദ്ധ ഒപ്പ് ശേഖരണത്തിന് തുടക്കം കുറിച്ചു. യൂണിറ്റ് അംഗം അരുൺ മറ്റത്തിൽ നന്ദി അർപ്പിച്ച് സംസാരിക്കുകയും ചെയ്തു. രൂപത ജനറൽ സെക്രട്ടറി അഭിനന്ദ് കൊച്ചുമലയിൽ, ട്രഷറർ ബിബിൻ പിലാപ്പിള്ളിൽ , ആനിമേറ്റർ സി. ബെൻസി ജോസ് എസ്.എച്ച്,ദ്വാരക മേഖല പ്രസിഡന്റ് അജയ് മുണ്ടയ്ക്കൽ, യൂണിറ്റ് ഭാരവാഹികൾ ഇടവകാംഗങ്ങൾ തുടങ്ങിയവർ സന്നിഹിദരായിരുന്നു.
ധനസഹായ പദ്ധതിയിലേക്ക് അപേക്ഷ ക്ഷണിച്ചു.
പിന്നാക്ക വിഭാഗത്തിൽപ്പെട്ട മാതാപിതാക്കളെ നഷ്ടമായ, സർക്കാർ/ എയ്ഡഡ് സ്ഥാപനങ്ങളിൽ മെഡിക്കൽ/ അനുബന്ധ കോഴ്സുകൾ പഠിക്കുന്ന വിദ്യാർത്ഥിനികൾക്കായി പിന്നാക്ക വിഭാഗ വികസന വകുപ്പ് അനുവദിക്കുന്ന ധനസഹായ പദ്ധതിയിലേക്ക് അപേക്ഷ ക്ഷണിച്ചു. അപേക്ഷകരുടെ കുടുംബ വാർഷിക വരുമാനം
