തൃശൂർ: പ്രോട്ടീൻ മാളിൽ നിന്നും വൻ കഞ്ചാവ് ശേഖരം പിടികൂടി. 5kg വരുന്ന കഞ്ചാവാണ് പിടികൂടിയത്.
തൃശൂർ പടിഞ്ഞാറെ കോട്ടയിലെ പ്രോട്ടീൻ മാളിൽ നിന്നാണ് കഞ്ചാവ് പിടികൂടിയത്. സ്ഥാപനയുടമ നെടുപുഴ സ്വദേശി വിഷ്ണു(33), തൊഴിലാളി പാലക്കാട് സ്വദേശി ആഷിക്(27) എന്നിവരെ അന്വേഷണ സംഘം പിടികൂടി.
രഹസ്യ വിവരത്തെ തുടർന്ന് തൃശൂർ കസ്റ്റംസ് റവന്യു ഉദ്യോഗസ്ഥർ നടത്തിയ തിരച്ചിലിലാണ് പ്രോടീൻ മാളിൽ നിന്നും കഞ്ചാവ് പൊതി കണ്ടെത്തിയത്.
തൃശൂരിലെ മറ്റൊരു കേസിന്റെ അന്വേഷണത്തിൽ ഗുവാഹത്തിയിൽ നിന്നും കിട്ടിയ വിവരത്തിന്റെ അടിസ്ഥാനത്തിലാണ് അന്വേഷണ സംഘം പ്രോട്ടീൻ മാളിൽ തിരച്ചിൽ നടത്തിയത്.
തൃശൂരിലേക്ക് ഗുവാഹതിയിൽ നിന്ന് കഞ്ചാവ് എത്തുന്നുണ്ടെന്ന് അറിഞ്ഞതോടെ കസ്റ്റംസ് വല വിരിക്കുകയായിരുന്നു.
രണ്ടു ഫിറ്റ്നസ് സെന്ററുകളുടെയും ഒരു പ്രോട്ടീൻ മാളിന്റെയും ഉണ്ടാസ്ഥനായ പ്രതിയെ ചുറ്റിപ്പറ്റി മാസങ്ങളായി നടത്തിയ അന്വേഷണത്തിലാണ് ഇവർ പിടിയിലായത്.
