മിനി ജോബ് ഫെയര്‍ മാനന്തവാടിയിൽ

മാനന്തവാടി: സ്വകാര്യമേഖലയിലെ തൊഴിലവസരങ്ങള്‍കൂടി അഭ്യസ്ഥവിദ്യരായ ഉദ്യോഗാര്‍ത്ഥികള്‍ക്ക് പ്രയോജനപ്പെടുത്തുക എന്ന ലക്ഷ്യത്തോടെ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും മാനന്തവാടി ടൗണ്‍ എംപ്ലോയ്‌മെന്റ് എക്‌സ്‌ചേഞ്ചിന്റെയും സംയുക്ത ആഭിമുഖ്യത്തില്‍ ജൂലൈ 29 ശനിയാഴ്ച്ച മാനന്തവാടി ന്യൂമാന്‍സ് കോളേജില്‍ മിനി ജോബ് ഫെയര്‍ നടത്തും. ജോബ് ഫെയര്‍ ഒ.ആര്‍.കേളു എം.എല്‍.എ ഉദ്ഘാടനം ചെയ്യും. ജില്ലയിലും ജില്ലക്ക് പുറത്തുള്ളതുമായ പതിനഞ്ചില്‍പ്പരം ഉദ്യോഗദായകര്‍ തൊഴില്‍ മേളയില്‍ പങ്കെടുക്കും. 500 ന് മുകളില്‍ ഒഴിവുകള്‍ നിലവില്‍ റിപ്പോര്‍ട്ട് ചെയ്തിട്ടുണ്ട്. തൊഴില്‍ മേളയില്‍ പങ്കെടുക്കാന്‍ താല്‍പര്യമുളള ഉദ്യോഗാര്‍ത്ഥികള്‍ https://rb.gy/lsawg എന്ന ഗൂഗിള്‍ ഫോമില്‍ രജിസ്റ്റര്‍ ചെയ്ത് ജൂലൈ 29 ന് രാവിലെ 9 ന് ഹാജരാകണം. ഓണ്‍ലൈനായി രജിസ്റ്റര്‍ ചെയ്യാത്തവര്‍ക്ക് അന്നേ ദിവസം സ്‌പോട്ട് രജിസ്‌ട്രേഷന്‍ ഉണ്ടായിരിക്കും. ഫോണ്‍: 04936 202534, 04935 246222.