കേന്ദ്ര കൃഷിമന്ത്രാലയവും കേരള കാര്‍ഷിക വികസന കര്‍ഷക ക്ഷേമ വകുപ്പും സംയുക്തമായി നടപ്പിലാക്കുന്ന കാര്‍ഷിക യന്ത്രവത്ക്കരണ ഉപ പദ്ധതിയുടെ ഭാഗമായി നെല്‍പ്പാടങ്ങളില്‍ ഡ്രോണ്‍ ഉപയോഗിച്ച് നെല്ലിന് സൂക്ഷ്മ മൂലകങ്ങള്‍ തളിക്കുന്ന പ്രവൃത്തിക്ക് നൂല്‍പ്പുഴ പഞ്ചായത്തില്‍ തുടങ്ങി. നൂല്‍പ്പുഴ കണ്ണങ്കോട് പാടരേഖരത്തില്‍ നൂല്‍പ്പുഴ ഗ്രാമപഞ്ചായത്ത് പ്രസിഡന്റ് ഷീജ സതിഷ് പദ്ധതി ഉദ്ഘാടനം ചെയ്തു. വാര്‍ഡ് മെമ്പര്‍ സുമാ ഭാസ്‌കരന്‍ അദ്ധ്യക്ഷത വഹിച്ചു. 48 ഹെക്ടര്‍ പാടശേഖരത്തിലാണ് സൂക്ഷ്മ മൂലകങ്ങള്‍ തളിക്കുന്നത്. കണ്ണങ്കോട് പാടശേഖരത്തിന് പുറമെ കോളിപ്പാടി പാടശേഖരത്തിലെ 56 ഹെക്ടര്‍ സ്ഥലത്തും ഡ്രോണ്‍ ഉപയോഗിച്ച് നെല്ലിന് സുക്ഷ്മ കണങ്ങള്‍ തളിക്കുന്ന പ്രവൃത്തിക്ക് തുടക്കമായി. ജില്ലാ പഞ്ചായത്ത് ഡിവിഷന്‍ മെമ്പര്‍ അമല്‍ ജോയ്, കൃഷി അസിസ്റ്റന്റ് ഡയറക്ടര്‍ കെ.കെ രാമുണ്ണി തുടങ്ങിയവര്‍ പങ്കെടുത്തു.
റോക്കറ്റ് വേഗത്തില്‍ കുതിച്ചുയര്‍ന്ന് ബിരിയാണി അരിവില; കയമ കിലോയ്ക്ക് 230 രൂപ, ബിരിയാണി വിലയും കൂടി
കോഴിക്കോട്: ബിരിയാണി ഇഷ്ടപ്പെടാത്ത മലയാളികളുണ്ടോ? എന്ത് ചോദ്യമാണല്ലേ… എന്നാൽ കയമ അരിയുടെ വില പോകുന്ന പോക്ക് കണ്ട് ബിരിയാണി പ്രിയം അൽപം കുറഞ്ഞെങ്കിൽ അതിൽ തെറ്റുപറയാനില്ല. കേരളത്തിൽ ബിരിയാണിക്ക് കൂടുതൽ ഉപയോഗിക്കുന്ന കയമ അരിക്ക്
