കൽപ്പറ്റ: വയനാട് ചുരത്തിലെ ഗതാഗത പ്രശ്നങ്ങൾക്ക് യുദ്ധക്കാലാടിസ്ഥാനത്തിൽ പരിഹാരമുണ്ടാക്കണമെന്നും, ബദൽ പാതകൾ പലതും നിർദ്ദേശിക്കപ്പെട്ടിട്ടു ണ്ടെങ്കിലും നിർമ്മാണത്തിന്റെ സിംഹഭാഗവും പിന്നിട്ട പൂഴിത്തോട് -പടിഞ്ഞാറത്തറ പാതയ്ക്ക് സർക്കാർ പ്രാമുഖ്യം നൽകണമെന്നും പ്രതിപക്ഷ നേതാവ് വി.ഡി.സതീശൻ അഭിപ്രായപ്പെട്ടു. പൂഴിത്തോട് -പടിഞ്ഞാറത്ത പാതയുടെ വിഷയത്തിൽ പോരാടുന്ന ജനകീയ കർമ്മ സമിതി നേതാക്കളുമായി സംസാരിക്കുകയായിരുന്നു പ്രതിപക്ഷ നേതാവ്.ഈ വിഷയത്തിൽ കഴിയുന്നതെല്ലാം ചെയ്യുമെന്നും മുഖ്യമന്ത്രിയുടെ ശ്രദ്ധയിൽ ഈ വിഷയം കൊണ്ടു വരുമെന്നും അദ്ദേഹം ഉറപ്പു നൽകി. കർമ്മ സമിതി ചെയർ പേഴ്സൺ ശകുന്തള ഷണ്മുഖൻ വൈസ് ചെയർമാൻ ജോൺസൻ ഒ.ജെ നേതൃത്വം നൽകി. DCC പ്രസിഡണ്ട് എൻ ഡി അപ്പച്ചൻ ,എം.എൽ.എ.ടി.സിദ്ദിഖ്, ജില്ലാ പഞ്ചായത്ത് പ്രസിഡണ്ട് ഷംസാദ് മരക്കാർ, എം.എ ജോസഫ്, പോൾസൻ കൂവയ്ക്കൽ, പി.കെ അബ്ദുൾ റഹ്മാൻ , അഡ്വ പി.ഡി സജി, ശോഭനക്കുമാരി എന്നിവർ സന്നിഹിതരായിരുന്നു.
വന്യമൃഗ സംഘര്‍ഷ പ്രതിരോധ പദ്ധതികൾ വിജയം കാണുന്നു; മാതൃകയായി മാനന്തവാടി
ജില്ലയിൽ മനുഷ്യ- വന്യമൃഗ സംഘര്‍ഷ പ്രതിരോധ പദ്ധതി വിജയം കാണുന്നു. ജനവാസ മേഖലകളിലിറങ്ങുന്ന വന്യജീവികളെ പ്രതിരോധിക്കാൻ മാനന്തവാടിയിലെ വിവിധ പ്രദേശങ്ങളിൽ 10 കോടിയിലധികം രൂപയുടെ വിവിധ പദ്ധതികളാണ് നടപ്പാക്കിയത്. നിയോജക മണ്ഡലം എംഎൽഎയും പട്ടികജാതി പട്ടികവർഗ
