സംസ്ഥാനത്ത് ഉപ തെരഞ്ഞെടുപ്പ് നടക്കുന്ന 49 വാര്‍ഡുകള്‍ ഉള്‍പ്പെടെ തദ്ദേശ സ്വയംഭരണ സ്ഥാപനങ്ങളിലെ വാര്‍ഡ് അടിസ്ഥാനത്തിലുളള സംക്ഷിപ്ത വോട്ടര്‍ പട്ടിക പുതുക്കുന്നു. 2024 ജനുവരി 1 യോഗ്യത തീയ്യതിയായി നിശ്ചയിച്ചാണ് വോട്ടര്‍ പട്ടിക പുതുക്കുന്നത്. ഇതു സംബന്ധിച്ച മാര്‍ഗ്ഗ നിര്‍ദ്ദേശങ്ങള്‍ തെരഞ്ഞെടുപ്പ് കമ്മീഷന്‍ പുറത്തിറക്കി. ഇതു പ്രകാരം ജില്ലയിലെ ത്രിതല പഞ്ചായത്ത്, നഗരസഭ ഇലക്ടറല്‍ രജിസ്‌ട്രേഷന്‍ ഓഫീസര്‍മാരുടെ യോഗം ജൂണ്‍ 5 നകം വിളിച്ചുചേര്‍ക്കും. 2024 ജനുവരി 1 ന് 18 വയസ്സ് തികഞ്ഞവരെ പുതിയതായി വോട്ടര്‍ പട്ടികയില്‍ ഉള്‍പ്പെടുത്തും. കരട് വോട്ടര്‍പട്ടികയില്‍ ജൂണ്‍ 21 വരെ ആക്ഷേപങ്ങളും അവകാശവാദ അപേക്ഷകളും സ്വീകരിക്കും. അന്തിമ വോട്ടര്‍ പട്ടിക ജൂലൈ 1 പ്രസിദ്ധീകരിക്കും.
അധ്യാപക നിയമനം
മേപ്പാടി ഗവ പോളിടെക്നിക് കോളെജില്‍ മെക്കാനിക്കല്‍ എന്‍ജിനീയറിങ് വിഭാഗത്തില്‍ കരാറടിസ്ഥാനത്തില്‍ അധ്യാപക നിയമനം നടത്തുന്നു. ബന്ധപ്പെട്ട വിഷയത്തില്‍ ഒന്നാം ക്ലാസ് ബിരുദമാണ് യോഗ്യത. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ അസലും പകര്‍പ്പുമായി ഓഗസ്റ്റ് 19 ന്
