തിരുവനന്തപുരം: സംസ്ഥാനത്ത് വരും ദിവസങ്ങളില് വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. അതേസമയം, അഞ്ചുദിവസം ഒരു ജില്ലകളിലും പ്രത്യേക മഴമുന്നറിയിപ്പില്ല.
തെക്കുപടിഞ്ഞാറൻ ഉത്തർപ്രദേശിന് മുകളില് തീവ്രന്യുനമർദം സ്ഥിതി ചെയ്യുന്നു. വടക്ക്- വടക്കു പടിഞ്ഞാറു ദിശയില് സഞ്ചരിക്കുന്ന തീവ്രന്യുനമർദം വെള്ളിയാഴ്ചയോടെ ശക്തി കുറയാനാണ് സാധ്യത.
മ്യാന്മറിനും ബംഗ്ലാദേശിനും മുകളില് ചക്രവാതച്ചുഴിയും സ്ഥിതി ചെയ്യുന്നു.അടുത്ത 24 മണിക്കൂറിനുള്ളില് തീരദേശ ബംഗ്ലാദേശിനും വടക്കൻ ബംഗാള് ഉള്ക്കടലിനും മുകളിലായി ന്യുനമർദ്ദമായി ശക്തിപ്രാപിക്കാൻ സാധ്യതയുണ്ട്.
തുടർന്ന് തീരദേശ പശ്ചിമ ബംഗാളിനും വടക്കൻ ബംഗാള് ഉള്ക്കടലിനും മുകളിലായി തീവ്ര ന്യുന മർദ്ദമായി ശക്തിപ്രാപിക്കാനാണ് സാധ്യത. ഇതിന്റെ ഫലമായാണ് സംസ്ഥാനത്ത് മഴയ്ക്ക് സാധ്യത.
