ഓരോ പുതിയ മാർഗ്ഗങ്ങളിലൂടെയുള്ള ഓണ്‍ലൈൻ തട്ടിപ്പുകളെ കുറിച്ചുള്ള വാർത്തകളാണ് ദിനംപ്രതി നമ്മള്‍ കാണുകയും കേള്‍ക്കുകയും ചെയ്യുന്നത്. പുതിയ സാങ്കേതിക വിദ്യകള്‍ ജനപ്രിയമാകുന്നതിനൊപ്പം തട്ടിപ്പുകളും ഫിഷിംഗ് ആക്രമണങ്ങളും കൂടുതല്‍ സങ്കീർണ്ണമാവുകയാണ്. ഇ-മെയില്‍, വ്യാജ വെബ്സൈറ്റ്, ടെക്സ്റ്റ് മെസേജ്, സോഷ്യല്‍ മീഡിയ തുടങ്ങി ആരും സംശയിക്കാത്ത വിവിധ നൂതന രീതികളാണ് തട്ടിപ്പുകാർ ഉപയോഗിച്ചുവരുന്നത്. പണത്തിനൊപ്പം വ്യക്തികളുടെ സ്വകാര്യ ഡാറ്റ ഉള്‍പ്പെടെയുള്ള നിർണായക വിവരങ്ങള്‍ ഉത്തരം തട്ടിപ്പുകാർ കൈക്കലാക്കുന്നു. പുതിയ വെബ്സൈറ്റുകള്‍ സന്ദർശിക്കുമ്പോഴും, ലിങ്കുകളില്‍ ക്ലിക്ക് ചെയ്യുമ്പോഴും ജാഗ്രത പുലർത്തുന്നുണ്ടെങ്കിലും, മറ്റു ചില സുരാക്ഷാ മുൻകരുതല്‍ കൂടി പാലിക്കേണ്ടത് നിങ്ങളുടെ വലപ്പെട്ട ഡാറ്റയും പണവും നഷ്ടപ്പെടാതിരിക്കുന്നതില്‍ പ്രധാനമാണ്. കഠിനമായ പാസ്‌വേഡ് ഉപയോഗിക്കുന്നത് മുതല്‍ ടു-ഫാക്ടർ ഓതന്റിക്കേഷൻ തുടങ്ങി, തട്ടിപ്പുകളില്‍ നിന്നും ഫിഷിംഗ് ആക്രമണങ്ങളില്‍ നിന്നും രക്ഷപെടാൻ സഹായിക്കുന്നു. ലളിതവും ഫലപ്രദവുമായ 5 ഓണ്‍ലൈൻ സുരക്ഷാ നുറുങ്ങുകള്‍ ഇതാ…
എല്ലാ വെബ്സൈറ്റുകളിലും ഒരേ പാസ്‌വേഡ് ഉപയോഗിക്കുന്ന രീതി ഒഴിവാക്കുക
എല്ലാ വെബ്സൈറ്റുകളിലും ഒരേ പാസ്‌വേഡ് ഉപയോഗിക്കുന്നത് സൗകര്യപ്രദമാണെങ്കിലും, ഡിജിറ്റല്‍ ഐഡൻ്റിറ്റി മോഷ്ടിക്കാൻ ഹാക്കർമാർ ഉപയോഗിക്കുന്ന ഏറ്റവും സാധാരണ മാർഗമാണ് ഇത്. ഒരേ പാസ്‌വേഡ് ഉപയോഗിക്കുകയാണെങ്കില്‍, ഹാക്കർമാർക്ക് മെയില്‍ ഐഡി ഉപയോഗിച്ച്‌, നിങ്ങള്‍ ഉപയോഗിക്കുന്ന ആപ്പുകളിലേക്കും പ്രധാന വെബ്സൈറ്റുകളിലേക്കും ലോഗിൻ ചെയ്യാൻ സാധിക്കുന്നു. ഇത് നിങ്ങളുടെ മുഴുവൻ ഡാറ്റയും നഷ്ടപ്പെടുന്നതിന് കാരണമാകുന്നു. ടു-ഫാക്ടർ ഓതന്റിക്കേഷൻ ഉപയോഗിക്കുക
ഇൻ്റർനെറ്റ് ഉപയോഗം സുരക്ഷിതമാക്കുന്ന ഏറ്റവും പ്രധാന സുരക്ഷ സംവിധാനമാണ് ടു-ഫാക്ടർ ഓതന്റിക്കേഷൻ. സാധ്യമായ എല്ലാ വെബ്സൈറ്റുകളിലും ആപ്പുകളിലും ടു-ഫാക്ടർ അല്ലെങ്കില്‍ മള്‍ട്ടിഫാക്ടർ ഓതന്റിക്കേഷൻ ‘ഓണ്‍’ ആക്കുക. ലോഗിൻ ചെയ്യുന്നതിനായി ഉപയോക്താക്കളോട്, പാസ്‌വേഡിന് പുറമെ മറ്റൊരു വണ്‍-ടൈം കോഡും ആവശ്യപ്പെടുന്ന അധിക സുരക്ഷാ ക്രമീകരണമാണിത്.
‘പബ്ലിക് നെറ്റുവർക്കു’കളില്‍ വിപിഎൻ ഉപയോഗിക്കുക
ബ്രൗസിംഗ് ഹാബിറ്റ് പരസ്യദാതാക്കള്‍ക്ക് വില്‍ക്കുക, ഗവണ്‍മെൻ്റുകളെ സ്പൈയ്യിങ്ങിന് അനുവദിക്കുക തുടങ്ങി നിരവധി പോരായ്മകള്‍ ഉണ്ടെങ്കിലും, പബ്ലിക് നെറ്റുവർക്കുകള്‍ ഉപയോഗിക്കുമ്പോള്‍ വിപിഎൻ ഉപയോഗപ്രദമാണ്. കാരണം വ്യക്തിപരമായി തിരിച്ചറിയപ്പെടാൻ സാധ്യതയുള്ള വിവരങ്ങള്‍ വിപിഎൻ സുരക്ഷിതമാക്കുന്നു. വെബ് സൈറ്റുകളുടെ ‘URL’ വ്യക്തമായി പരിശോധിക്കുക
പലർക്കും ഇത് വിരസമായി തോന്നിയേക്കാമെങ്കിലും, നിങ്ങള്‍ ഒരു വെബ്സൈറ്റ് സന്ദർശിക്കുന്നതിനു മുൻപായി ‘URL’ രണ്ട് തവണ പരിശോധിക്കണം. പല തട്ടിപ്പുകാരും, യഥാർത്ഥമെന്ന് തോന്നിക്കുന്ന വ്യാജ പേജുകളിലൂടെ ലോഗ് ഇൻ ചെയ്യാനും വിവരങ്ങള്‍ നല്‍കാനും ആവശ്യപ്പെടാറുണ്ട്. ഇത്തരം സൈറ്റുകള്‍ യുആർഎല്‍ ‘http’ എന്നതിനുപകരം ‘https’ എന്ന് ഉപയോഗിക്കുന്നുണ്ടോ എന്ന് പരിശോധിക്കുക. സോഫ്റ്റ്‌വെയർ എപ്പോഴും അപ്ഡേറ്റ് ചെയ്യുക
ഇൻ്റർനെറ്റ് ബ്രൗസറുകളിലെയും മറ്റു സോഫ്റ്റ്‌വെയറുകളിലെയും സാങ്കേതിക പിശകുകള്‍ ദുരുപയോഗം ചെയ്യുക എന്നതാണ് ഹാക്കർമാരുടെ പ്രധാന ആക്രമണരീതി. ഇത്തരം പിശകുകള്‍ കണ്ടെത്തിയാല്‍ കമ്പനികള്‍ ഉടൻ തന്നെ പരിഹരിക്കുകയും, ഉപയോക്താക്കളോട് അപ്ഡേറ്റ് ചെയ്യാൻ ആവശ്യപ്പെടുകയും ചെയ്യാറുണ്ട്. എന്നാല്‍ ഉത്തരം നോട്ടിഫിക്കേഷനുകള്‍ പലരും തിരിച്ചറിയുകയോ അപ്ഡേറ്റ് ചെയ്യുകയെ ഇല്ല. അതിനാല്‍ കൃത്യ സമയത്ത് അപ്ഡേറ്റ് ചെയ്യുന്നത് ആക്രമണങ്ങളെ ഒരു പരിതി വരെ തടയുന്നു.
