ഉപതെരഞ്ഞെടുപ്പ് നടക്കുന്ന വയനാടും ചേലക്കരയും ഇന്ന് പോളിംഗ് ബൂത്തിലേക്ക്. രാവിലെ 7 മണിക്ക് ആരംഭിച്ച വോട്ടെടുപ്പ് വൈകീട്ട് 6 മണിയോടെ അവസാനിക്കും. ഒരു മാസത്തോളം നീണ്ട പ്രചാരണ പോരിനൊടുവിലാണ് ജനവിധി. 1354 പോളിങ്ങ് സ്റ്റേഷനുകളാണ് വയനാട് മണ്ഡലത്തില് സജ്ജമാക്കിയത്. ജില്ലയില് രണ്ട് ബൂത്തുകളാണ് അതീവ സുരക്ഷ പട്ടികയില് ഉള്പ്പെടുത്തിയിരിക്കുന്നത്. 11 പോളിങ്ങ് ബൂത്തുകള് പ്രത്യേക സുരക്ഷാ പട്ടികയിലുമുണ്ട്
.മുണ്ടക്കൈ-ചൂരല്മല ദുരന്തബാധിതര്ക്ക് വോട്ടുചെയ്യുന്നതിനായി മേപ്പാടി, ചൂരല്മല പ്രദേശങ്ങളിലായി പ്രത്യേക ബൂത്തുകള് സജ്ജീകരിച്ചു. 14,71,742 വോട്ടര്മാരാണ് വയനാട് മണ്ഡലത്തിലുള്ളത്. 2,13,103 വോട്ടര്മാരാണ് ചേലക്കര മണ്ഡലത്തിലുള്ളത്. 180 പോളിംഗ് ബൂത്തുകളാണ് ചേലക്കരയില് സജ്ജമാക്കിയിരിക്കുന്നത്. മണ്ഡലത്തില് 14 പ്രശ്നബാധിത ബൂത്തുകളാണുള്ളത്. ഇവിടെ മൈക്രോ ഒബ്സര്വര്മാരെ നിയോഗിച്ചിട്ടുണ്ട്. വെബ് കാസ്റ്റിങ് സംവിധാനം, വീഡിയോഗ്രാഫര്, പോലീസ് സുരക്ഷ എന്നിവ ഉറപ്പാക്കും. ബൂത്തുകളിലെത്തുന്ന ഓരോ വോട്ടറും വോട്ട് ചെയ്യാനെത്തുന്നതും, രേഖപ്പെടുത്തിയതിന് ശേഷം പുറത്തിറങ്ങുന്നതും ഉള്പ്പടെയുളള മുഴുവന് ദൃശ്യങ്ങളും ചിത്രീകരിക്കും.
അഡ്മിനിസ്ട്രേറ്റീവ് ഓഫീസര് നിയമനം
പട്ടികവര്ഗ്ഗ വികസന വകുപ്പിന് കീഴില് കല്പ്പറ്റയില് പ്രവര്ത്തിക്കുന്ന അമൃദില് അഡ്മിനിസ്ട്രേറ്റീവ് ഓഫീസര് തസ്തികയിലേക്ക് താത്ക്കാലിക നിയമനം നടത്തുന്നു. ജില്ലയില് സ്ഥിരതാമസക്കാരായ സര്ക്കാര് സര്വീസിലെ വികസന വകുപ്പിലോ, പട്ടികജാതി-പട്ടികവര്ഗ്ഗ വകുപ്പില് നിന്നോ ഗസറ്റഡ് റാങ്കില് കുറയാത്ത
