വയനാട് എക്സൈസ് ഇൻ്റലിജൻസിന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ, എക്സൈസ് ഇൻ്റലിജൻസും, മാനന്തവാടി എക്സൈസ് റേഞ്ച് പാർട്ടിയും നിരവിൽപ്പുഴ മട്ടിലയം ഭാഗത്ത് നടത്തിയ പരിശോധനയിലാണ് ഓട്ടോറിക്ഷയിൽ വയനാട്ടിലേക്ക് കടത്തിക്കൊണ്ടു വന്ന 17 ലിറ്റർ മാഹി മദ്യം പിടികൂടിയത്. സംഭവത്തിൽ മാനന്തവാടി നല്ലൂർനാട് ദ്വാരക സ്വദേശി കൊറ്റുകര വീട്ടിൽ ചാണ്ടി മകൻ ചാക്കോയെ (47) അറസ്റ്റ് ചെയ്തു. ഇലക്ഷനോട് അനുബന്ധിച്ച് മദ്യശാലകൾ അടച്ചിടുന്ന സാഹചര്യത്തിൽ വിൽപ്പന നടത്താനായി കൊണ്ടുവന്നതാണ് പിടിച്ചെടുത്ത മദ്യം. മാഹിയിൽ നിന്നും ചാക്കിൽ നിറച്ച് ഓട്ടോറിക്ഷയിൽ കയറ്റി കൊണ്ടുവന്ന മദ്യം മാനന്തവാടി ,നാലാംമൈൽ ഭാഗത്താണ് വിൽപന നടത്തുന്നതായാണ് വിവരം. മദ്യം കടത്തിക്കൊണ്ടു വന്ന KL 12 D 8305 നമ്പർ ഓട്ടോറിക്ഷയും പിടിച്ചെടുത്തു.പ്രതിയെയും തൊണ്ടി മുതലുകളും മാനന്തവാടി JFCM കോടതി മുമ്പാകെ ഹാജരാക്കും. മാനന്തവാടി എക്സൈസ് ഇൻസ്പെക്ടർ T.ഷറഫുദ്ദീൻ, ഇൻറലിജൻസ് ഇൻസ്പക്ടർ സുനിൽ എം.കെ എന്നിവരുടെ നേതൃത്വത്തിലായിരുന്നു പരിശോധന.
സ്‌കൂട്ടറിൽ കടത്തുകയായിരുന്ന കഞ്ചാവ് പിടികൂടി
പെരിക്കല്ലൂർ: കേരള മൊബൈൽ ഇൻ്റർവേഷൻ യൂണിറ്റും, ബത്തേരി എക് സൈസ് റേഞ്ച് ഓഫീസ് സംഘവും ഓണം സ്പെഷ്യൽ ഡ്രൈവിന്റെ ഭാഗമായി പെരിക്കല്ലൂർ മരക്കടവ് ഭാഗത്ത് വെച്ച് റേഞ്ച് എക്സൈസ് ഇൻസ്പെക്ടർ പി. ബാബുരാജ്ന്റെ നേതൃത്വത്തിൽ
