കൽപ്പറ്റ :
കേരള നഗര നയ കമ്മീഷന്റെ ഭാഗമായി വിദ്യാര്‍ത്ഥി കൗണ്‍സിലും കുട്ടികളുമായുള്ള സംവാദവും നടന്നു. കില നഗര നയ സെല്ലും യൂണിസെഫും ചേര്‍ന്നാണ് വിദ്യാര്‍ത്ഥി കൗണ്‍സിലും സംവാദവും സംഘടിപ്പിച്ചത്.
വയനാട് കല്‍പ്പറ്റ എസ്‌കെഎംജെ സ്‌കൂളില്‍ നടന്ന വിദ്യാര്‍ത്ഥി കൗണ്‍സിലില്‍ 25 ഓളം സ്‌കൂളുകളില്‍ നിന്നുള്ള 150 വിദ്യാര്‍ത്ഥികള്‍ പങ്കെടുത്തു. കൗണ്‍സിലില്‍ വയനാട്ടിലെ ആനുകാലിക പ്രശ്നങ്ങള്‍, നഗരപ്രദേശങ്ങള്‍ നേരിടുന്ന പ്രശ്നങ്ങള്‍ തുടങ്ങിയവ ചര്‍ച്ച ചെയ്തു. പ്രമേയങ്ങള്‍ തയ്യാറാക്കി കില നഗര നയ സെല്ലിന് സമര്‍പ്പിച്ചു.
ബ്ലോക്ക് പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍, വിദ്യാര്‍ത്ഥി കൗണ്‍സില്‍ ഉദ്ഘാടനം ചെയ്തു. കല്‍പ്പറ്റ നഗര സഭ റവന്യൂ ഇന്‍സ്പെക്ടര്‍ ഷാജി സക്കറിയ അധ്യക്ഷനായി. യൂണിസെഫ് കണ്‍സള്‍ട്ടന്റ് മനീഷ് എം നായര്‍, എസ് പി സി പ്രോജക്ട് ഓഫീസര്‍ മോഹന്‍ ദാസ്, ജില്ലാ ആസൂത്രണ കമ്മീഷനിലെ റിസര്‍ച്ച് ഓഫീസറായ ഷീജ സി, വൈത്തിരി അസിസ്റ്റന്റ് വിദ്യാഭ്യാസ ഓഫീസര്‍ ജോയ് വി സ്‌കറിയ എന്നിവര്‍പങ്കെടുത്തു.
വ്യാജ ട്രേഡിങ്: ലാഭം നൽകാമെന്ന് വാഗ്ദാനം നൽകി ലക്ഷങ്ങൾ തട്ടിയ കേസിൽ നിയമ വിദ്യാർത്ഥി പിടിയിൽ
കൽപ്പറ്റ: ട്രേഡിങ് നടത്തി ലാഭം നൽകാമെന്ന് വിശ്വസിപ്പിച്ച് 33 ലക്ഷം തട്ടിയെടുത്ത കേസിൽ ഒരാൾ കൂടി പിടിയിൽ. ബാംഗ്ലൂരിലെ സ്വകാര്യ ലോ കോളേജിൽ നിയമ വിദ്യാർത്ഥിയായ മലപ്പുറം, താനൂർ സ്വദേശിയായ താഹിർ(32 )നെയാണ് വയനാട്
