മാനന്തവാടി ഉപജില്ലാ തല സ്കൂൾ പ്രവേശനോത്സവം പനമരം കൈതക്കൽ ജിഎൽപിഎസ്സിൽ വിപുലമായ പരിപാടികളോടെ സംഘടിപ്പിച്ചു.
മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി ഉദ്ഘാടനം ചെയ്തു. നവീകരിച്ച സ്കൂൾ കെട്ടിടോദ്ഘാടനം പനമരം ഗ്രാമപഞ്ചായത്ത് വൈസ് പ്രസിഡന്റ് തോമസ് പാറക്കാലായിലും ബിആർസി ഫണ്ട് ഉപയോഗിച്ച് നവീകരിച്ച സ്കൂൾ കെട്ടിടത്തിന്റെ ഉദ്ഘാടനം ബിപിസി കെ കെ സുരേഷും നിർവഹിച്ചു.
പനമരം ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ ടി സുബൈർ പാഠപുസ്തക വിതരണോദ്ഘാടനം ചെയ്തു. പനമരം ബ്ലോക്ക് ഡിവിഷൻ മെമ്പർ കുഞ്ഞമ്മദ് മഞ്ചേരി യൂണിഫോം വിതരണം ചെയ്തു. പനമരം ഗ്രാമപഞ്ചായത്ത് പ്രസിഡന്റ് ലക്ഷ്മി ആലക്കമറ്റം അധ്യക്ഷത വഹിച്ച പരിപാടിയിൽ പനമരം ബ്ലോക്ക് പഞ്ചായത്ത് വൈസ് പ്രസിഡന്റ് അബ്ദുൽ ഗഫൂർ കാട്ടി, മെമ്പർമാരായ കെ കെ ശാന്ത, ആസ്യ ടീച്ചർ, എഇഒ ഇൻ ചാർജ് എൻ എസ് ഷീബ, എച്ച്എം ഇൻ ചാർജ് എം ആർ സജിത, പിടിഎ പ്രസിഡന്റ് പി പി സിദ്ദീഖ്, അബ്ദുൾ നാസർ സഫ്രീന എന്നിവർ പങ്കെടുത്തു.
