നിങ്ങള്‍ക്ക് എത്ര ചാർജറുകള്‍ സ്വന്തമായുണ്ട്..? മൊബൈല്‍ ഫോണുകള്‍, ലാപ്‌ടോപ്പുകള്‍, സ്മാർട്ട് വാച്ചുകള്‍, ഹെഡ്‌ഫോണുകള്‍, ഇ-ബൈക്കുകള്‍ തുടങ്ങി റീചാർജ് ചെയ്യാവുന്ന ഇലക്‌ട്രോണിക് ഉപകരണങ്ങളാല്‍ ചുറ്റപ്പെട്ട ലോകത്താണ് ഇന്ന് നമ്മല്‍ ജീവിക്കുന്നത്. ഇതിനെല്ലാമൊപ്പം ചാർജറും കാണും. അതുകൊണ്ടു തന്നെ ഫൊണ കവിഞ്ഞാല്‍ നമ്മുടെ ജീവിതത്തോട് ഏറ്റവും അടുത്തുനില്‍ക്കുന്നത് ചാർജർ തന്നെയാകും. നിങ്ങളുടെ കിടക്കയ്ക്ക് സമീപം ഒരു ഫോണ്‍ ചാർജർ പ്ലഗ് ഇൻ ചെയ്‌തിരിക്കാം, അത് ഭിത്തിയില്‍ വെച്ച്‌ ഓഫ് ചെയ്യാനോ ഉപയോഗത്തിലില്ലാത്തപ്പോള്‍ പ്ലഗ് ഊരാനോ മെനക്കേടാറില്ല. ഫോണിന്റെ ചാര്‍ജര്‍ കിടക്കയ്ക്കടുത്ത്, ലാപ്‌ടോപിന്റെ ചാര്‍ജര്‍ ടേബിളിനടുത്ത് എല്ലാം താമസമാക്കിയിട്ട് കാലങ്ങള്‍ കഴിഞ്ഞിട്ടുണ്ടാകും. എന്നാല്‍ ഇത് അത്ര നല്ലതല്ലെന്ന് നിങ്ങള്‍ക്കറിയാമോ..? സ്വിച്ച്‌ ഓഫ് ചെയ്താലും ചാര്‍ജറുകള്‍ പ്ലഗ് പോയിന്റില്‍ തന്നെ വെയ്ക്കുമ്പോള്‍ ചില പ്രശ്നങ്ങള്‍ ഉണ്ടാവും. സ്വാഭാവികമായും, എല്ലാ ചാർജറുകളും ഒരുപോലെയല്ല. ആപ്ലിക്കേഷനും വൈദ്യുതി ആവശ്യകതയും അനുസരിച്ച്‌, അവയുടെ ആന്തരിക ഘടന വളരെ ലളിതം മുതല്‍ സങ്കീർണ്ണമായത് വരെ വ്യത്യാസപ്പെടാം. വാള്‍ പ്ലഗില്‍ നിന്ന് എസി (ആള്‍ട്ട് കറന്റ്) എടുക്കുകയും, അതിനെ ഇലക്‌ട്രോണിക് ഉപകരണത്തിന്റെ ബാറ്ററിക്ക് ആവശ്യമായ ലോ-വാള്‍ട്ടേജ് ഡിസി (ഡയറക്‌ട് കറന്റ്) ആക്കി മാറ്റുകയും ചെയ്യുന്നതാണ് സാധാരണ ചാര്‍ജറുകളുടെ പ്രവര്‍ത്തനം. “വാമ്പയർ പവർ” എന്നത് യഥാർത്ഥമാണ്. സ്വിച്ച്‌ ഓണ്‍ ചെയ്യാതെ ചാര്‍ജര്‍ പ്ലഗ്ഗില്‍ കുത്തിയിട്ടുണ്ടെങ്കില്‍ അത് സ്വാഭാവികമായും ചെറിയ അളവില്‍ കറന്റ് വലിച്ചുകൊണ്ടിരിക്കും. ‘ഈ വൈദ്യുതിയുടെ ഒരു ഭാഗം താപമായി പുറത്ത് വിടുകയും ചെറിയ ഭാഗം നിയന്ത്രിത, സംരക്ഷിത സര്‍ക്യൂട്ടുകളുടെ പ്രവര്‍ത്തനത്തിന് ഉപയോഗിക്കുകയും ചെയ്യുന്നു. ഒരു മൊബൈല്‍ ചാര്‍ജറോ, ലാപ്‌ടോപ് ചാര്‍ജറോ മാത്രം ഇത്തരത്തില്‍ പ്ലഗ് ചെയ്ത് വച്ചിരുന്നാല്‍ ഉണ്ടാകുന്ന വൈദ്യുതി നഷ്ടം വളരെ കുറഞ്ഞ അളവിലായിരിക്കും, എന്നാല്‍ ഒരു വീട്ടിലെ മുഴുവന്‍ ഉപകരണങ്ങളും ഇങ്ങനെ പ്ലഗില്‍ കുത്തിവയ്ക്കുമ്പോള്‍ ഉണ്ടാകുന്ന വൈദ്യുത നഷ്ടം പ്രതീക്ഷിച്ചതിലും അപ്പുറമായിരിക്കും. ചാര്‍ജറുകള്‍ മാത്രമല്ല, ടിവി, മിക്‌സി, ഫ്രിഡ്ജ് തുടങ്ങിയ എല്ലാ വൈദ്യുത ഉപകരണങ്ങള്‍ക്കും വാമ്പയർ പവര്‍ ഉണ്ടായിരിക്കും. ആധുനിക ചാർജറുകള്‍ സ്റ്റാൻഡ്‌ബൈ പവർ ഉപഭോഗം കുറയ്ക്കുന്നതിനാണ് രൂപകല്‍പ്പന ചെയ്തിരിക്കുന്നത്. ഒരു ബാഹ്യ ഉപകരണം പവർ എടുക്കാൻ ശ്രമിക്കുന്നതുവരെ അവയെ സ്ലീപ്പ് മോഡില്‍ നിലനിർത്തുന്ന സ്മാർട്ട് പവർ മാനേജ്മെന്റ് ഘടകങ്ങളുമായാണ് ഈ ചാർജറുകള്‍ എത്തിയിരിക്കുന്നത്. വൈദ്യുതി പ്രവഹിക്കുമ്പോള്‍, പ്രത്യേകിച്ച്‌ വൈദ്യുതി ഗ്രിഡ് വോള്‍ട്ടേജ് അതിന്റെ റേറ്റ് ചെയ്ത മൂല്യത്തിന് മുകളില്‍ താല്‍ക്കാലികമായി ഉയരുമ്പോള്‍, ചാർജറുകള്‍ കാലക്രമേണ തേയ്മാനം സംഭവിക്കുന്നു. വാമ്പയർ പവറിലൂടെ ചാര്‍ജറിലെത്തുന്ന വൈദ്യുതി താപമായി പുറത്തെത്തുമ്പോള്‍ ചാര്‍ജര്‍ ചൂടാകുന്നതാണ് ഒരു കാരണം. ചാര്‍ജര്‍ സാധാരണയിലധികം ചൂടാവുകയോ, കേടുപാടുകള്‍ സംഭവിക്കുകയോ ചെയ്താല്‍ ഉടന്‍ മാറ്റി വാങ്ങുന്നതാകും നല്ലത്.
തയ്യല്‍ അധ്യാപക അഭിമുഖം
ജില്ലാ വിദ്യാഭ്യാസ വകുപ്പ് ഹൈസ്‌കൂള്‍ തയ്യല്‍ ടീച്ചര്‍ (കാറ്റഗറി നമ്പര്‍ 440/2023) തസ്തികയിലേക്ക് ജൂണ്‍ 11,
