പാൻ കാർഡില്ലെങ്കില് ഒരു ബാങ്ക് ഇടപാടുകളും നടക്കില്ലെന്ന് അറിയാമല്ലോ..? പാൻകാർഡില് കാലാനുസൃതമായി ചില മാറ്റങ്ങളും വന്നിട്ടുണ്ട്. അതിൻ്റെ ഭാഗമായാണ് പാൻ 2.0 എത്തിയത്. സേവനങ്ങള് വേഗത്തിലാക്കുക എന്നത് കൂടിയാണ് പാൻ 2.0 കൊണ്ടുവരുന്നതിൻ്റെ പിന്നിലുള്ള ഏറ്റവും പ്രധാനപ്പെട്ട കാര്യം. പഴയ പാൻ കാർഡിനേക്കാള് ഇത് വളരെ സുരക്ഷിതമാണ്. നിങ്ങളുടെ പഴയ പാൻ ദുരുപയോഗം ചെയ്ത്, വ്യാജ വായ്പകളും ക്രെഡിറ്റ് കാർഡുകളും പോലും എളുപ്പത്തില് എടുക്കാൻ കഴിയുമെന്ന് വിദഗ്ദ്ധർ പറയുന്നു. പാൻ കാർഡ് 2.0-ല് ഇത് സാധ്യമല്ല. വെറും 50 രൂപ മുടക്കിയാല് പഴയ പാൻ കാർഡില് നിന്നും നിങ്ങളുടെ പുതിയ പാൻ കാർഡിലേക്ക് നിങ്ങള്ക്ക് മാറാനാവും.
*നിരവധി സുരക്ഷ*
*സവിശേഷതകള്*
കഴിഞ്ഞ വർഷമാണ് സർക്കാർ പാൻ കാർഡിന്റെ പുതിയ പതിപ്പ് കൊണ്ടുവന്നത്, ഈ കാർഡിലേക്ക് അപ്ഗ്രേഡ് ചെയ്യമെന്ന് നിർബന്ധമില്ല, എന്നാല് 50 രൂപ ചെലവഴിച്ചാല് എല്ലാത്തരം തട്ടിപ്പുകാരില് നിന്നും നിങ്ങള്ക്ക് രക്ഷനേടാൻ സാധിക്കും. ഇതിനാണ് പാൻ 2.0 പുതിയ പാൻ കാർഡില് നിരവധി സുരക്ഷാ സവിശേഷതകള് ഉണ്ട്. പാൻ കാർഡ് 2.0 ലേക്ക് അപ്ഗ്രേഡ് ചെയ്യുന്നവർക്ക് രജിസ്ട്രേഷനും സേവനങ്ങളും ഇപ്പോള് എളുപ്പത്തില് ലഭ്യമാകും. ഇത് ഇങ്ങനെ ഉണ്ടാക്കി നോക്കൂ.. പാൻ 2.0-യില് അപേക്ഷിക്കുന്ന നടപടിക്രമങ്ങള് വളരെ ലളിതമാണ്.
1) www.onlineservices.nsdl.com/paam/endUserRegisterContact.html- എന്ന സൈറ്റ് സന്ദർശിക്കുക
2) നിലവില് പാൻ ഉള്ളവരാണെങ്കില് മുകളില് നല്കിയിരിക്കുന്ന പാൻ കാർഡ് റീപ്രിന്റ് ക്ലിക്ക് ചെയ്യുക.
3) ഇതിനുശേഷം നിങ്ങളുടെ പാൻ നമ്പർ, ആധാർ നമ്പർ, മാസം, ജനന വർഷം തുടങ്ങിയ ചില വിശദാംശങ്ങള് പൂരിപ്പിക്കണം, അതിനുശേഷം നിബന്ധനകള് അംഗീകരിച്ച് സബ്മിറ്റില് ക്ലിക്ക് ചെയ്യുക.
4) 50 രൂപ ഫീസ് അടയ്കുക, പുതിയ പാൻ കാർഡ് കുറച്ച് ദിവസങ്ങള്ക്കുള്ളില് വീട്ടിലെത്തും.
സവിശേഷതകള്
വേണമെങ്കില് ഈ പുതിയ പാൻ കാർഡിൻ്റെ സോഫ്റ്റ് കോപ്പി ഇവിടെ നിന്ന് ഡൗണ്ലോഡ് ചെയ്യാവുന്നതാണ്. നിങ്ങളുടെ പുതിയ പാൻ കാർഡില് ലേസർ പ്രിന്റ് ചെയ്ത ക്യുആർ കോഡ് ഉണ്ടായിരിക്കും. ഇതില്, നിങ്ങളുടെ പേര്, ജനനത്തീയതി, പാൻ നമ്പർ, ഫോട്ടോ എന്നിവ എൻക്രിപ്റ്റ് ചെയ്ത രൂപത്തില് സേവ് ചെയ്യപ്പെടും. ഈ സവിശേഷതയുള്ളതിനാല് നിങ്ങളുടെ പാൻ കാർഡിന്റെ വ്യാജ പകർപ്പ് ആർക്കും നിർമ്മിക്കാൻ കഴിയില്ല. ഇതുകൂടാതെ, പാൻ വഴിയുള്ള എല്ലാ നടപടിക്രമങ്ങളും വളരെ വേഗത്തിലാവുകയും ചെയ്യും എന്നതാണ് പ്രത്യേകത.
