ജില്ലാ എന്ഫോഴ്സ്മെന്റ് സ്ക്വാഡ് നമ്പിക്കൊല്ലി ടൗണിലെ ഹാങ്ഔട്ട് കഫേയില് നിന്നും നിരോധിത പ്ലാസ്റ്റിക് ഉൽപ്പന്നങ്ങള് പിടിച്ചെടുത്തു. 10000 രൂപ പിഴ ഈടാക്കി.
ഇതിന് പുറമെ, നായ്ക്കട്ടിയില് പ്രവര്ത്തിക്കുന്ന ഖാന്സ് മാര്ട്ട് സ്ഥാപനം പ്ലാസ്റ്റിക് കത്തിച്ചതിന് 5000 രൂപ പിഴ ഈടാക്കി. ജില്ലാ എന്ഫോഴ്സ്മെന്റ് സ്ക്വാഡിന്റെ മിന്നല് പരിശോധനയിലാണ് നിരോധിത പ്ലാസ്റ്റിക് ഉൽപ്പന്നങ്ങള് പിടികൂടിയത്. ജില്ലാ എന്ഫോഴ്സ്മെന്റ് സ്ക്വാഡ് ലീഡര് ടി കെ സുരേഷ്, സ്ക്വാഡ് അംഗങ്ങളായ കെ എ തോമസ്, ടി ആര് രസിക, നൂല്പ്പുഴ ഗ്രാമപഞ്ചായത്ത് ഹെല്ത്ത് ഇന്സ്പെക്ടര് അനഘ ലക്ഷ്മി എന്നിവര് പരിശോധനയ്ക്ക് നേതൃത്വം നല്കി.
പക്ഷിപ്പനി; ആലപ്പുഴയിൽ കോഴി വിഭവങ്ങളുടെ വിപണനം തടഞ്ഞു, 30 മുതൽ ഹോട്ടലുകൾ അടച്ചിടും, പ്രതിഷേധവുമായി ഹോട്ടൽ ഉടമകൾ
ആലപ്പുഴയിൽ പക്ഷിപ്പനി സ്ഥിരീകരിച്ച സാഹചര്യത്തിൽ കോഴി വിഭവങ്ങളുടെ വിപണനം തടഞ്ഞ് ഫുഡ് സേഫ്റ്റി ആന്റ് സ്റ്റാന്റേഡ്സ് അതോറിറ്റി ഇന്ത്യ(FSSAI). ഹോട്ടലുകളിൽ കോഴിവിഭവങ്ങൾ വിതരണം ചെയ്യുന്നതാണ് തടഞ്ഞത്. ഭക്ഷണം കഴിക്കാൻ എത്തിയവരെ ഉദ്യോഗസ്ഥർ ഇറക്കി വിടുകയായിരുന്നു.
