തരിയോട്: ഗവ.ഹയർ സെക്കണ്ടറി സ്കൂൾ എസ്.പി.സി. യൂണിറ്റിന്റെ നേതൃത്വത്തിൽ പതിനഞ്ചാം എസ്.പി.സി ദിനാചരണം വിവിധ പരിപാടികളോടെ ആഘോഷിച്ചു. കുട്ടികളിൽ നിയമവ്യവസ്ഥയോടുള്ള ബഹുമാനം വളർത്തുവാനും, സുരക്ഷിതമായ സ്കൂൾ പരിസ്ഥിതി ഉണ്ടാക്കുവാനും, കായികവും മാനസികവുമായ വികാസം നൽകുവാനും, സാമൂഹ്യ തിൻമകൾക്കെതിരെ പോരാടാനുമുള്ള പരിശീലനം നൽകുന്നതിനായി സംസ്ഥാനത്തെ തെരഞ്ഞെടുക്കപ്പെട്ട വിദ്യാലയങ്ങളിൽ നടപ്പിലാക്കി വരുന്ന എസ്.പി.സി. പദ്ധതി ആരംഭിച്ചത് 2010 ഓഗസ്റ്റ് 2-ാം തീയതി ആയിരുന്നു. സ്കൂൾ അങ്കണത്തിൽ ചേർന്ന പ്രത്യേക അസംബ്ലി ഗ്രാമപഞ്ചായത്ത് പ്രസിഡന്റ് ഷമീം പാറക്കണ്ടി ഉദ്ഘാടനം ചെയ്തു. പ്രസംഗ മത്സരം , പതിപ്പ് പ്രകാശനം, എസ്. പി. സി. ഗീതാവിഷ്കാരം, ക്വിസ് മത്സരം,,പത്ത് പ്രതിജ്ഞകൾ ചൊല്ലൽ, തുടങ്ങിയ വിവിധ പരിപാടികൾ സംഘടിപ്പിച്ചു.
പി. ടി. എ. പ്രസിഡന്റ് ബെന്നി മാത്യം അധ്യക്ഷത വഹിച്ചു. പടിഞ്ഞാറത്തറ എസ്.ഐ. മുഹമ്മദലി
കൈയെഴുത്ത് മാസിക പ്രകാശനം ചെയ്തു. ഗ്രാമപഞ്ചായത്തംഗം വിജയൻ തോട്ടുങ്ങൽ , പ്രധാനാധ്യാപിക ഉഷ കുനിയിൽ, പ്രിൻസിപ്പൽ രാധിക ടീച്ചർ,ബാബു തൊട്ടിയിൽ, മറിയം മഹ്മൂദ്, പി.കെ. സത്യൻ, കെ.വി.രാജേന്ദ്രൻ, ബിന്ദു വർഗീസ്, ജെസി ബാബു, അഖിലേഷ് , എന്നിവർ നേതൃത്വം നൽകി.
കാറിടിച്ച് കാൽനടയാത്രികന് ഗുരുതര പരിക്ക്
കാക്കവയൽ സുധിക്കവലയിൽ കാറിടിച്ച് കാൽനടയാത്രികനായ മധ്യവയസ്കന് ഗുരുതരമായി പരിക്കേറ്റു. സുധിക്കവല കളത്തിൽ അജിത്കുമാറിനാണ് (50) അപകടത്തിൽ പരിക്കേറ്റത്. അപകടത്തെ തുടർന്ന് ഇദ്ദേഹത്തെ ഉടൻതന്നെ കൽപറ്റ ജനറൽ ആശുപത്രിയിൽ പ്രവേശിപ്പിച്ചു. Facebook Twitter WhatsApp
