നടവയൽ :സി എം കോളേജ് ഓഫ് ആർട്സ് ആൻഡ് സയൻസ് നടവയൽ എൻ. എസ്. എസ് യൂണിറ്റിന്റെ നേതൃത്വത്തിൽ ചെണ്ടുമല്ലി കൃഷി വിളവെടുത്തു.ജൂൺ 5 ന് പരിസ്ഥിതി ദിനാചാരണത്തിന്റെ ഭാഗമായി കോളേജ് പരിസരത്ത് നട്ടു വളർത്തിയ ചെണ്ടു മല്ലികൾ ഓണം വിപണിയിൽ എത്തിക്കുക എന്ന ലക്ഷ്യത്തോടെയാണ് വിളവെടുത്തത്. പൂത്തുലഞ്ഞു നിൽക്കുന്ന ചെണ്ടുമല്ലികൾ മികച്ച ഒരു സെൽഫി കോർണറായും വിദ്യാർഥികൾ ഉപയോഗിച്ചിരുന്നു. അടുത്ത വർഷം കൂടുതൽ പൂക്കൾ കൃഷി ചെയ്ത് വിപണിയിലെത്തിക്കാനാണ് ലക്ഷ്യമിടുന്നതെന്ന് കോളേജ് എൻ. എസ്. എസ് കോർഡിനേറ്റർമാരായ ഇക്കണോമിക്സ് അദ്ധ്യാപിക അന്ന ബിജു, മലയാളം അദ്ധ്യാപിക ദീപ എൻ. ആർ എന്നിവർ പറഞ്ഞു.വിളവെടുപ്പിൽ വാർഡ് മെമ്പർ ഷീമ മാനുവൽ, കോളേജ് പ്രിൻസിപ്പൽ ഷാഫി പുൽപ്പാറ, വൈസ് പ്രിൻസിപ്പൽ സഹദ് കെ. പി, അക്കാദമിക് കോർഡിനേറ്റർ സുമയ്യ. യു , കോളേജ് എൻ. എസ്. എസ്. വോളന്റീർസ് തുടങ്ങിയവർ പങ്കെടുത്തു.
പൂഴിത്തോട് – പടിഞ്ഞാറത്തറ പാതയോട് അധികൃതർ കാണിക്കുന്നത് ക്രൂരമായ അവഗണന: കർമ്മസമിതി
പടിഞ്ഞാറത്തറ: കോഴിക്കോട് -വയനാട് ജില്ലകളെ ബന്ധിപ്പിക്കുന്നതും ദേശീയപാത 766 ന്റെ ഭാഗവുമായ താമരശ്ശേരി ചുരത്തിൽ അനുദിനം ഗതാഗതകുരുക്ക് ഏറുമ്പോഴും, അപകടങ്ങൾ പെരുകുമ്പോഴും ഈ പ്രശ്‌നങ്ങൾക്ക് ശാശ്വത പരിഹാരമായേക്കാവുന്ന പൂഴിത്തോട് – പടിഞ്ഞാറത്തറ സ്റ്റേറ്റ് ഹൈവെ
