കമ്പളക്കാട്
“മുഹമ്മദുൻ ബശറുൻ ലാ കൽബശരി “എന്ന ടൈറ്റിലിൽ കമ്പളക്കാട് മദ്റസത്തുൽ അൻസാരിയ്യയിൽ ഇസ്സത്തുൽ ഇസ് ലാം സംഘം സൗത്ത് സോൺ കമ്മിറ്റിയുടെ നേതൃത്വത്തിൽ
ഒരാഴ്ച നീണ്ടുനിൽക്കുന്ന നബിദിനാഘോഷ പരിപാടികൾക്ക് തുടക്കമായി. പ്രസിഡണ്ട് കെ.കെ അഹ്മ്മദ് ഹാജി പതാക ഉയർത്തി. ഖത്തീബ് ഉവൈസ് വാഫി പ്രാർഥന നിർവഹിച്ചു. ഭാരവാഹികളായ പി.ടി അശ്റഫ് ഹാജി , പി.സി ഇബ്റാഹിം ഹാജി, വി.പി ശുക്കൂർ ഹാജി , സ്വദ്ർ മുഅല്ലിം ഹാരിസ് ബാഖവി, കെ മുഹമ്മദ് കുട്ടി ഹസനി നേതൃത്വം നൽകി.
ഇന്നും നാളെയും മദ്റസാ ഹാളിൽ വെച്ച് പെൺകുട്ടികളുടെ ഓഫ് സ്റ്റേജ് മത്സരങ്ങളും ബുധൻ , വ്യാഴം ദിവസങ്ങളിൽ ആൺകുട്ടികളുടെ സ്റ്റേജ് മത്സരങ്ങളും നടക്കും. മവദ്ദ, മഹബ്ബ, മഹന്ന എന്നീ ഗ്രൂപ്പുകളിൽ 75 ഇനങ്ങളിലായി 700 ഓളം വിദ്യാർഥികൾ മാറ്റുരക്കും. ബുധനാഴ്ച 7 മണിക്ക് നടക്കുന്ന ഗ്രാജ്വേറ്റ് മീറ്റിൽ 5,7,10,12 ക്ലാസുകളിൽ നിന്ന് വിജയിച്ച 200 വിദ്യാർഥികൾ സർട്ടിഫിക്കറ്റ് ഏറ്റുവാങ്ങും. വെള്ളിയാഴ്ച 7 മണിക്ക് മുഹമ്മദ് ബാഖവി അൽ ഹൈതമി പ്രഭാഷണം നടത്തും. ശനിയാഴ്ച രാവിലെ 7 മണിക്ക് ഗ്രാൻഡ് മൗലിദ് സദസ്സും 8 മണിക്ക് മീലാദ് റാലിയും നടക്കും. 2 മണിക്ക് പൊതു ജനങ്ങൾക്കായി “മുഹമ്മദ് നബി ” എന്ന പുസ്തകം അടിസ്ഥാനപ്പെടുത്തി മെഗാ ക്വിസ് മത്സരം നടക്കും വിജയികൾക്ക് യഥാക്രമം 5001 , 3001, 1001 രൂപയാണ് സമ്മാനം. വൈകിട്ട് 7 മണിക്ക് സമാപന സമ്മേളനവും അൻസാരിയ്യാ ദഫ് പ്രദർശനവും നടക്കും.
ഫോൺ നഷ്ടപ്പെട്ടു പോയാൽ ഗൂഗിൾ പേ ഫോൺ പേ പോലുള്ള ആപ്പുകൾ സുരക്ഷിതമാക്കേണ്ടത് എങ്ങനെ?
നമ്മളെല്ലാവരും ദൈനം ദിനമായി പണമിടപാടുകള്‍ ചെയ്യുന്നവരാണ്. ഇന്നത്തെ കാലത്ത് ഫോണ്‍ ഉപയോഗിച്ച്‌തന്നെയാണ് നമ്മള്‍ എല്ലാ പണമിടമിടപാടുകളും നടത്തുന്നത്.ഗൂഗിള്‍ പേ, ഫോണ്‍ പേ തുടങ്ങിയ UPI ആപ്പുകളില്‍ അക്കൗണ്ടുകള്‍ ഉണ്ടാക്കിയാണ് നമ്മള്‍ നമ്മുടെ കാര്യങ്ങളെല്ലാം നടത്തിയെടുക്കുന്നത്.
