മലയാളി താരം സഞ്ജു സാംസണ് ഇന്ത്യയുടെ ടി20 ടീമിന്റെ ഓപ്പണിംഗ് സ്ഥാനത്തേക്ക് തിരിച്ചെത്തിയേക്കും. ശുഭ്മാന് ഗില് ടി20 ടീമിലേക്ക് തിരിച്ചെത്തിയ ശേഷം സഞ്ജുവിന് ഓപ്പണ് ചെയ്യാന് അവസരം ലഭിച്ചിട്ടില്ല. അതും തകര്പ്പന് ഫോമില് നില്ക്കെയാണ് സഞ്ജുവിനെ ഓപ്പണിംഗ് സ്ഥാനത്ത് നിന്ന് മാറ്റി മധ്യനിരയില് കളിപ്പിച്ചത്. ഇന്ത്യ – ഓസ്ട്രേലിയ ട്വന്റി20 പരമ്പര അവസാനിച്ചതിന് ശേഷം ക്രിക്കറ്റ് ലോകം ഏറ്റവും കൂടുതല് ചര്ച്ച ചെയ്തത് ടീമിന്റെ ഓപ്പണര് സ്ഥാനത്തു നിന്ന് സഞ്ജു സാംസണെ മാറ്റിയതിനെക്കുറിച്ചായിരുന്നു.
വൈസ് ക്യാപ്റ്റന് ശുഭ്മന് ഗില്ലിന് ടീമില് അവസരമൊരുക്കാന് സഞ്ജുവിനെ മധ്യനിരയിലേക്ക് മാറ്റിയതിനെ മുന് താരങ്ങള് അടക്കം വിമര്ശിച്ചു. ഗില് ആവട്ടെ ശരാശരി പ്രകടനം മാത്രമാണ് പുറത്തെടുത്തത്. സഞ്ജുവിനുള്ള പിന്തുണയും വര്ധിച്ചു. ഈ സാഹചര്യത്തിലാണ് സഞ്ജുവിന് അവസരം നല്കാന് ടീം മാനേജ്മെന്റ് ആലോചിക്കുന്നത്. ടീമില് അഴിച്ചുപണികള് ഉണ്ടായേക്കുമെന്നാണ് സൂചന. ടെസ്റ്റ്, ഏകദിന ടീം ക്യാപ്റ്റനായ ഗില്ലിന് ട്വന്റി20 പരമ്പരയില് വിശ്രമം അനുവദിച്ചേക്കും
