അന്താരാഷ്ട്ര വനിതാ ദിനത്തോടനുബന്ധിച്ച്
മീനങ്ങാടി ഭാരതീയ ജൻ ഔഷധികേന്ദ്രത്തിന്റെ നേതൃത്വത്തിൽ അന്താരാഷ്ട്ര വനിതാ ദിനാഘോഷ വാരാചരണവും, ജൻ ഔഷധി സേവനങ്ങളുടെ വിതരണോദ്ഘാടനവും മീനങ്ങാടി ഹയർ സെക്കൻഡറി സ്കൂളിൽ വച്ച് നടന്നു. സ്ത്രീകളിലെ ആർത്തവവും, ആർത്തവ
കാലത്തെ വ്യക്തിശുചിത്വവും ശ്രദ്ധിക്കേണ്ട കാര്യങ്ങളും എന്ന വിഷയത്തിൽ മാധ്യമപ്രവർത്തകയും സോഷ്യൽ ആക്ടിവിസ്റ്റുമായ ലൈലാ സെയിൻ ക്ലാസ്സെടുത്തു.പെൺകുട്ടികൾക്കായുള്ള ജൻ ഔഷധി സേവനങ്ങളുടെ വിതരണോദ്ഘാടനം ലൈല സെയിൻ,
സ്കൂൾ അധ്യാപിക സുമ ജേക്കബ് എന്നിവർ ചേർന്ന് നിർവഹിച്ചു.സ്കൂൾ പ്രിൻസിപ്പൽ ഇൻ ചാർജ് ജോണി ചടങ്ങിൽ അധ്യക്ഷത വഹിച്ചു. നിരവധി വിദ്യാർത്ഥികളും അധ്യാപകരും പരിപാടിയിൽ പങ്കെടുത്തു.
ജനറൽ ഫിറ്റ്നസ് ട്രെയിനർ പ്രവേശനം ആരംഭിച്ചു
മാനന്തവാടി അസാപ് കമ്മ്യൂണിറ്റി സ്‌കിൽ പാർക്കിൽ ഫിറ്റ്നസ് ട്രെയിനർ കോഴ്സിലേക്ക് പ്രവേശനം ആരംഭിച്ചു. ബാച്ചിൽ പ്രവേശനം നേടിയ ന്യൂനപക്ഷ സമുദായങ്ങളിൽപ്പെട്ട ഉദ്യോഗാർത്ഥികളെ ഫണ്ടിംഗ് വ്യവസ്ഥകൾ പ്രകാരം ഫീസ് അടയ്ക്കുന്നതിൽ നിന്ന് ഒഴുവാക്കും. ഫോൺ- 9495999669.
