കൽപ്പറ്റ: പൊതുവിദ്യാഭ്യാസ വകുപ്പിലെ ജീവനക്കാരുടെ സ്ഥലംമാറ്റം അനിശ്ചിതമായി നീട്ടിക്കൊണ്ടു പോകുന്ന നടപടിക്കെതിരെ കേരള എൻ.ജി.ഒ അസോസിയേഷൻ്റെ നേതൃത്വത്തിൽ ജില്ലാ വിദ്യാഭ്യാസ ഉപഡയറക്ടറുടെ ഓഫീസിനു മുന്നിൽ പ്രതിഷേധ സദസ്സ് സംഘടിപ്പിച്ചു. ഓൺലൈൻ സ്ഥലം മാറ്റത്തിൻ്റെ സാങ്കേതികത്വം പറഞ്ഞ് വനിതകളും വികലാംഗരും ഉൾപ്പെടെയുള്ള ജീവനക്കാരെ ദ്രോഹിക്കുകയാണ്. സ്ഥലം മാറ്റം നടത്താതെ പ്രമോഷൻ ഉത്തരവ് ഇറക്കിയത് വഴി നിലവിൽ സ്വന്തം ജില്ലക്ക് പുറത്ത് ജോലി ചെയ്യുന്നവർക്ക് ജില്ലകളിലേക്ക് തിരിച്ചെത്താനുള്ള സാധ്യതകൾ ഇല്ലാതാക്കിയിരിക്കുകയാണെന്നും കേരള എൻ.ജി.ഒ അസോസിയേഷൻ ആരോപിച്ചു.ജില്ലാ പ്രസിഡന്റ് മോബിഷ്.പി തോമസിൻ്റെ അധ്യക്ഷതയിൽ ചേർന്ന പ്രതിഷേധ സദസ്സ് സംസ്ഥാന വൈസ് പ്രസിഡന്റ് ജി.എസ് ഉമാശങ്കർ ഉദ്ഘാടനം ചെയ്തു. ലൈജു ചാക്കോ, അഭിജിത്ത് സി.ആർ, ജോസ് പിയൂസ്, ശരത്ത് എസ്, സിബി, ശ്രീജിത്ത് കുമാർ തുടങ്ങിയവർ സംസാരിച്ചു
കനത്ത മഴയ്ക്ക് സാധ്യത; മൂന്ന് ജില്ലകളിൽ ഇന്ന് അവധി; അഞ്ച് ജില്ലകളിൽ റെഡ് അലർട്ട്, നാലിടത്ത് ഓറ‌ഞ്ച്
തിരുവനന്തപുരം: വടക്കന്‍ കേരളത്തില്‍ ഇന്ന് അതിതീവ്ര മഴയ്ക്ക് സാധ്യത. അഞ്ച് ജില്ലകളില്‍ റെഡ് അലര്‍ട്ട് പുറപ്പെടുവിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് റെഡ് അലര്‍ട്ടുള്ളത്. അടുത്ത 24 മണിക്കൂറിൽ 204.4 മില്ലി
