കൊല്ലം കൊട്ടിയത്ത് പ്രതിശ്രുത വരന് വിവാഹത്തില് നിന്നും പിന്മാറിയതില് മനംനൊന്ത് റംസി എന്ന യുവതി ആത്മഹത്യ ചെയ്ത കേസില് ആരോപണവിധേയയായ നടി ലക്ഷ്മി പ്രമോദിനെ സീരിയലില് നിന്നും ഒഴിവാക്കി. റംസിയുടെ ആത്മഹത്യയുമായി ബന്ധപ്പെട്ട് ലക്ഷ്മിയ്ക്ക് നേരെ നിരവധി വിമര്ശനങ്ങള് ഉയര്ന്നിരുന്നു. റംസിയുടെ പ്രതിശ്രുതവരനും കേസിലെ ഒന്നാം പ്രതിയുമായ ഹാരിസിന്റെ സഹോദരന്റെ ഭാര്യയാണ് ലക്ഷ്മി. തങ്ങളുടെ മകളുടെ മരണത്തില് ലക്ഷ്മിയ്ക്കും ഉത്തരവാദിത്വമുണ്ടെന്ന് റംസിയുടെ വീട്ടുകാര് ആരോപിക്കുകയും ഇതുമായി ബന്ധപ്പെട്ട് പോലീസ് ലക്ഷ്മിയെ ചോദ്യം ചെയ്യുകയും ചെയ്തിരുന്നു.
ലക്ഷ്മിയ്ക്ക് എതിരെ വമിര്ശനങ്ങള് ഉയരുന്ന സാഹചര്യത്തിലാണ് ഏഷ്യാനെറ്റില് സംപ്രേഷണം ചെയ്യുന്ന സീരിയലില് നിന്ന് നടി പുറത്താക്കപ്പെട്ടിരിക്കുന്നത്.
ലക്ഷ്മിയെ പുറത്താക്കിയെന്നും മറ്റൊരു താരത്തെ ലക്ഷ്മിക്ക് പകരമായി ഉള്പ്പെടുത്തിയിട്ടുണ്ടെന്നും ചാനലുമായി അടുത്ത വൃത്തങ്ങള് പറഞ്ഞു. ഏഷ്യാനെറ്റില് സംപ്രേഷണം ചെയ്തു വരുന്ന ‘പൗര്ണമിത്തിങ്കള്’ എന്ന സീരിയലില് ശ്രദ്ധേയമായൊരു കഥാപാത്രത്തെ അവതരിപ്പിച്ചു വരികയായിരുന്നു ലക്ഷ്മി.
സെപ്റ്റംബര് മൂന്നിന് വ്യാഴാഴ്ചയാണ് കൊട്ടിയം സ്വദേശിയായ റംസി തൂങ്ങിമരിച്ചത്. ഹാരിസും റംസിയും വര്ഷങ്ങളായി പ്രണയത്തിലായിരുന്നുവെങ്കിലും മറ്റൊരു വിവാഹാലോചന വന്നപ്പോള് ഹാരിസ് റംസിയെ ഒഴിവാക്കാന് ശ്രമിക്കുകയും അതില് മനംനൊന്ത് റംസി ആത്മഹത്യ ചെയ്യുകയുമായിരുന്നു. റംസിയുടെ മരണവുമായി ബന്ധപ്പെട്ട് ഹാരിസിനെ പൊലീസ് അറസ്റ്റ് ചെയ്തിരുന്നു. പിന്നാലെ ലക്ഷ്മിയേയും ഭര്ത്താവിനെയും അന്വേഷണസംഘം ചോദ്യം ചെയ്യുകയും ചെയ്തു. എന്നാല് ചോദ്യം ചെയ്തതിനു ശേഷം ലക്ഷ്മി ഒളിവില് പോവുകയും സെപ്റ്റംബര് 15ന് കൊല്ലം ജില്ലാ സെഷന്സ് കോടതിയില് മുന്കൂര് ജാമ്യാപേക്ഷ നല്കുകയും ചെയ്തിരുന്നു.
മരിച്ച റംസിയും ലക്ഷ്മിയും നല്ല അടുപ്പത്തിലായിരുന്നു. ഇരുവരും ഒന്നിച്ച് നിരവധി ടിക്ടോക് വീഡിയോകള് ചെയ്യുകയും അവ സമൂഹമാധ്യമങ്ങളില് പങ്കുവയ്ക്കുകയും ചെയ്തിരുന്നു. ലക്ഷ്മിയില് നിന്നും കേസിന് നിര്ണായകമായ തെളിവുകള് ലഭിക്കുമെന്നാണ് അന്വേഷണ സംഘത്തിന്റെ കണക്കുക്കൂട്ടല്.
പ്ലസ് വണ്ണില് പഠിക്കുമ്ബോള് കൈരളി ടിവിയില് സംപ്രേഷണം ചെയ്ത ‘മുകേഷ് കഥകള്’ എന്ന സീരിയലിലൂടെയാണ് ലക്ഷ്മി അഭിനയരംഗത്ത് എത്തിയത്. അതിനു മുന്പുതന്നെ നര്ത്തകിയായും അവതാരികയായും ലക്ഷ്മി ശ്രദ്ധ നേടിയിരുന്നു. സീരിയലില് അഭിനയിക്കും മുന്പെ പരസ്യചിത്രങ്ങള്ക്കു വേണ്ടി ഡബ്ബിംഗ് ആര്ട്ടിസ്റ്റായും ലക്ഷ്മി ജോലി ചെയ്തിരുന്നു.
