തൃശൂർ: ചാവക്കാട് തിരുവത്രയിൽ പ്രായപൂർത്തിയാവാത്ത പെൺകുട്ടിയെ പീഡിപ്പിക്കാൻ ശ്രമിച്ച സ്റ്റേഷനറി ഷോപ്പുടമ അറസ്റ്റിൽ. കടയിൽനിന്ന് സാധനങ്ങൾ വാങ്ങാനെത്തിയ പെൺകുട്ടിയെയാണ് പീഡിപ്പിക്കാൻ ശ്രമിച്ചത്.
സംഭവത്തിൽ തിരുവത്ര ആനത്തലമുക്ക് ബീച്ചിൽ കോറമ്പത്തേയിൽ വീട്ടിൽ അലിയെയാണ് (52) ചാവക്കാട് പൊലീസ് പോക്സോ വകുപ്പ് പ്രകാരം അറസ്റ്റ് ചെയ്തത്.പീഡിപ്പിക്കാൻ ശ്രമിച്ചപ്പോൾ ബഹളംവെച്ച് പുറത്തേക്കോടിയ പെൺകുട്ടി വിവരം വീട്ടുകാരെ അറിയിക്കുകയായിരുന്നു.
തുടർന്ന് വീട്ടുകാർ ചാവക്കാട് പൊലീസിൽ പരാതി നൽകിയതോടെ പോലീസ് പ്രതിയെ കസ്റ്റഡിയിലെടുക്കുകയായിരുന്നു.എസ്.ഐമാരായ യു.കെ. ഷാജഹാൻ, കെ.പി. ആനന്ദ്, വിൽസൺ ചെറിയാൻ, ഒ.പി. അനിൽകുമാർ എന്നിവരുടെ നേതൃത്വത്തിൽ സി.പി.ഒമാരായ അനീഷ് നാഥ്, നവാബ്, വനിത സി.പി.ഒ ഷൗജത്ത് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.
