മലയാളം, തമിഴ്, ഹിന്ദി, കന്നഡ തുടങ്ങിയ ഇൻഡിസ്ട്രികളിലെ സൂപ്പർ താരങ്ങളിൽ പലർക്കും നിരാശ സമ്മാനിച്ച വർഷമാണ് 2025 . ബിഗ് ബജറ്റിൽ വലിയ പ്രതീക്ഷയോടെ പുറത്തിറങ്ങിയ ഭൂരിഭാഗം ചിത്രങ്ങളും ബോക്സ് ഓഫീസിൽ തകർന്ന് തരിപ്പണമായി. മുടക്കു മുതൽ പോലും തിയേറ്ററിൽ നിന്ന് നേടാൻ കഴിയാതെ ഇഴഞ്ഞ സിനിമകളും ഈ കൊല്ലം ഉണ്ടായിട്ടുണ്ട്. എന്നാൽ പ്രതീക്ഷകൾക്ക് അപ്പുറത്തേക്കുള്ള പ്രകടനം കാഴ്ച്ച വെച്ച വർഷം കൂടിയാണ് 2025. കണക്കുകൾ പരിശോധിക്കുമ്പോൾ, മലയാളത്തിലും , തമിഴിലും, ഹിന്ദിയിലും, കന്നഡയിലും എല്ലാം പണം വാരിയത് മുഴുവൻ ചെറിയ ബജറ്റിൽ വന്ന ചിത്രങ്ങളാണ്.
Mollywood Movies 2025 Low BudgetPonman, Officer on Duty
താര മൂല്യത്തിന്റെ അകമ്പടിയോ, വമ്പൻ ബജറ്റോ ഇല്ലാതിരിന്നിട്ടും കഥയിലെ മികവ് കൊണ്ട് പല ചിത്രങ്ങളും ബോക്സ് ഓഫീസിൽ നിന്ന് റെക്കോർഡ് കളക്ഷൻ നേടി. ബേസിൽ ജോസഫ് ചിത്രം പൊന്മാൻ അക്കൂട്ടത്തിൽ ഒന്നാണ്. ജോതിഷ് ശങ്കർ സംവിധാനത്തിൽ ജനുവരി 30 ന് ആയിരുന്നു ചിത്രം തിയേറ്ററിൽ എത്തിയത്. 3 കോടി ബജറ്റിൽ എത്തിയ ചിത്രം 18 കോടിയ്ക്ക് മുകളിൽ ബോക്സ് ഓഫീസിൽ നിന്ന് നേടിയിട്ടുണ്ട്. തൊട്ട് പിന്നാലെ മലയാളത്തിൽ അടുത്ത ഹിറ്റ് അടിച്ചത് കുഞ്ചാക്കോ ബോബനാണ്. ജിത്തു അഷ്റഫ് സംവിധാനത്തിൽ 13 കോടി ബജറ്റിൽ എത്തിയ ഓഫീസർ ഓൺ ഡ്യൂട്ടി ബോക്സ് ഓഫീസിൽ നിന്ന് 54 കോടിയ്ക്ക് മുകളിലാണ് കളക്ഷൻ നേടിയത്.
Mollywood Movies 2025 Low BudgetFeminichi Fathima, The Pet Detective
സൈജു കുറുപ്പ് , അർജുൻ അശോകൻ , തൻവി റാം എന്നിവർ പ്രധാനവേഷത്തിലെത്തിയ അഭിലാഷം എന്ന ചിത്രവും തിയേറ്റർ ഹിറ്റായിരുന്നു. പ്രൊഡ്യൂസേഴ്സ് അസോസിയേഷന് പുറത്തുവിട്ട മാർച്ച് മാസത്തിലെ ലിസ്റ്റിൽ ലാഭം നേടിയ സിനിമകളുടെ കൂട്ടത്തിൽ അഭിലാഷവും ഉണ്ടായിരുന്നു. ഒടിടി റിലീസിന് ശേഷം മികച്ച അഭിപ്രായമായിരുന്നു സിനിമ നേടിയത്. പടക്കളം, റോന്ത്, സുമതി വളവ്, തലവര, ഫെമിനിച്ചി ഫാത്തിമ, പെറ്റ് ഡിക്ടറ്റീവ് തുടങ്ങിയ മലയാള ചിത്രങ്ങൾ എല്ലാം ലോ ബജറ്റിൽ എത്തി ഹിറ്റ് നേടിയ മലയാള സിനിമകളാണ്. ഇക്കൂട്ടത്തിലേക്ക് ലോകയെയും ഉൾപ്പെടുത്താം. 30 കോടിക്ക് മുകളിലാണ് ലോകയുടെ ബജറ്റെങ്കിലും സിനിമയുടെ ഫൈനൽ കളക്ഷനുമായി താരതമ്യപ്പെടുത്തുമ്പോൾ മലയാളത്തിലെ എക്കാലത്തെയും വലിയ ഹിറ്റും, ഹിറ്റ് റേഷ്യോ ആണ് സിനിമ നേടിയത്.
Mollywood Movies 2025 Low BudgetPadakkalam, Sumathi Valavu
എന്നാൽ ഇക്കുറി ഫ്ലോപ്പുകളുടെ എണ്ണത്തിൽ മത്സരിച്ച ഇൻഡസ്ട്രികളായിരുന്നു തമിഴും ഹിന്ദിയും. 100 കോടി ബജറ്റിൽ എത്തിയ സൂപ്പർ സ്റ്റാർ സിനിമകൾ പോലും തിയേറ്ററിൽ തുടരെ പരാജയമായിരുന്നു. എന്നാൽ 10 കോടിയ്ക്ക് താഴെ നിർമാണ ചിലവിൽ പുറത്തിറങ്ങിയ ഒട്ടനവധി ചിത്രങ്ങൾ മികച്ച തിരക്കഥയുടെയും പ്രകടനങ്ങളുടെയും പിൻബലത്തിൽ തിയേറ്ററിൽ ആളെക്കൂട്ടി. വലിയ സ്കെയിൽ സിനിമകൾ എടുക്കുന്നതിൽ അല്ല പ്രേക്ഷകരെ സംതൃപ്തിപ്പെടുത്തുന്ന ചിത്രങ്ങൾ നിർമിക്കുന്നതിലാണ് കാര്യം എന്ന തിരിച്ചറിവ് ഇൻഡസ്ട്രികൾക്ക് നൽകിയ വർഷം കൂടിയായിരുന്നു 2025.
തീവ്ര വോട്ടർ പട്ടിക പരിഷ്കരണം; അർഹരായവരെ ഉൾപ്പെടുത്താൻ ഹെൽപ്ഡെസ്ക് തുടങ്ങും, അന്തിമ പട്ടിക ഫെബ്രുവരി 21 ന്
എസ്ഐആർ കരട് വോട്ടർ പട്ടികയിൽ നിന്ന് ഒഴിവാക്കിയവരിൽ അർഹരായവരെ ഉൾപ്പെടുത്താൻ ഹെൽപ് ഡെസ്കുകൾ തുടങ്ങാൻ സംസ്ഥാന സർക്കാർ ഉത്തരവ്. വില്ലേജ് ഓഫീസുകൾ കേന്ദ്രീകരിച്ച് രണ്ട് ഉദ്യോഗസ്ഥർക്ക് ചുമതല നൽകി ഹെൽപ് ഡെസ്കുകൾ തുടങ്ങും. ഉന്നതികൾ,
