ശരീരത്തിന്റെ പ്രതിരോധ ശക്തിയ്ക്ക് സഹായിക്കും വിധമുള്ള ആഹാരത്തിനാണ് ആരോഗ്യ വിദഗ്ധര് പ്രാധാന്യം നല്കുന്നത് . ദിവസം മുഴുവന് മനുഷ്യരുടെ ഏകാഗ്രതയും ശ്രദ്ധയും നിലനിര്ത്തുന്നതില് ഭക്ഷണക്രമീകരണം അത്യന്താപേക്ഷിതമാണ്. ഒരു ശരാശരി മനുഷ്യന്റെ ഉറക്കം, വ്യായാമം തുടങ്ങിയവ ഇതില് സ്വാധീനം ചെലുത്തുന്നുണ്ടെങ്കിലും ഭക്ഷണത്തിന്റെ പങ്ക് വളരെ വലുതാണ്.
ഉയര്ന്ന ഫൈബര് അടങ്ങിയിരിക്കുന്ന ഭക്ഷണങ്ങളായ പച്ചക്കറികള്, പഴങ്ങള്, ധാന്യങ്ങള്, പരിപ്പ്, ബീന്സ് എന്നിവ ഒരു വ്യക്തിയുടെ ഏകാഗ്രതയ്കും പ്രചോദനത്തിനും മികച്ചതാണ്. രക്തത്തിലെ പഞ്ചസാരയുടെ അളവ് നിലനിര്ത്തുന്നതിനാല് ഇവ ഊര്ജ്ജം നിലനിര്ത്താന് സഹായിക്കുന്നു.ചീര പോലുള്ള ഇലക്കറികളില് പൊട്ടാസിയം അടങ്ങിയിട്ടുണ്ട്. ഇവ തലച്ചോറിന്റെ പ്രവര്ത്തനം വര്ധിപ്പിക്കുന്നു. കടല് ഭക്ഷണങ്ങള്, ധാന്യ വര്ഗ്ഗങ്ങള് തുടങ്ങിയവ ഓര്മ്മ ശക്തി കൂട്ടുന്നു. ഗോതമ്ബ്, പയര് വര്ഗ്ഗങ്ങള്, ഇലക്കറികള് എന്നിവയില് വിറ്റാമിന് ബി അടങ്ങിയിരിക്കുന്നു. ഇത് മനുഷ്യരുടെ തലച്ചോറിനെയും നാഡിവ്യവസ്ഥയേയും മികച്ച രീതിയില് പ്രവര്ത്തിപ്പിക്കുന്നു.
കോവിഡ് കാലമായതുകൊണ്ടു മുതിര്ന്നവരും കുട്ടികളും എല്ലാവരും വീട്ടില് തന്നെയാണ്. അതുകൊണ്ടുതന്നെ പതിവ് ഭക്ഷണ രീതിയില് ഒരുപാട് മാറ്റങ്ങള് വന്നിട്ടുണ്ട്.
വറുത്ത ഭക്ഷണങ്ങള്, കൊഴുപ്പു നിറഞ്ഞ ഭക്ഷണങ്ങള്, മധുരപ്പലഹാരങ്ങള് എന്നിവ ഇപ്പോള് ധാരാളം കഴിക്കുന്ന സമയമാണ്. പല തരത്തിലുള്ള പാചക പരീക്ഷണങ്ങളും, പുറത്തു നിന്ന് ഓര്ഡര് ചെയ്തു കഴിക്കുന്നതും ഇന്ന് ഒരു പതിവാണ്.
ഇത്തരം ഭക്ഷണ രീതികള് മനുഷ്യരുടെ ഏകാഗ്രത, അറിവ്, ബുദ്ധി എന്നിവയില് ചെലുത്തുന്ന സ്വാധീനം വളരെ വലുതാണ്. സാറ്റുറേറ്റഡ് ഫുഡ് അഥവാ പൂരിത കൊഴുപ്പു നിറഞ്ഞ ഭക്ഷണ പദാര്ത്ഥങ്ങള് ഹൃദയസംബന്ധമായ രോഗത്തിന് കാരണമാക്കുന്നു. ഇവ ശരീര ഭാരം വര്ധിപ്പിക്കുകയും ഒടുവില് അമിതവണ്ണത്തില് കൊണ്ടെത്തിക്കുകയും ചെയ്യുന്നു. നമ്മുടെ ശരീരത്തിന് ആവശ്യമായ പോഷകം നഷ്ടപെടുന്നതിലൂടെ പ്രമേഹം, ഹൃദ്രോഗം ,ഹൃദയാഘാതം എന്നിവയ്ക്കുള്ള അപകട സാധ്യതകള് വര്ധിക്കുകയും ചെയ്യുന്നു.
