കൊറോണ വൈറസ് ബാധിച്ചവരില്‍ കണ്ടുവരുന്ന പ്രധാന ലക്ഷണങ്ങളിലൊന്നാണ് മണം നഷ്ടപ്പെടുകയെന്നത്. എന്തുകൊണ്ടാണ് ഇത് സംഭവിക്കുന്നതെന്നതിനെ കുറിച്ച്‌ പലര്‍ക്കും അറിയില്ല. ഇതിന് ഉത്തരം കണ്ടെത്തിയിരിക്കുകയാണ് ഗവേഷകര്‍ ഇപ്പോള്‍. ഹാര്‍ഡ് വാര്‍ഡ് മെഡിക്കല്‍ കോളേജിലെ ഗവേഷകരാണ് ഇതിനുള്ള ഉത്തരം കണ്ടെത്തിയിരിക്കുന്നത്. മണക്കാനുള്ള കഴിവ് നഷ്ടപ്പെടുന്ന തരത്തില്‍ കൊറോണ വൈറസ് ബാധിക്കുന്ന കോശങ്ങളെയാണ് ഗവേഷകര്‍ കണ്ടെത്തിയിരിക്കുന്നത്.
തലച്ചോറിലേക്ക് മണം സംബന്ധിക്കുന്ന വിവരങ്ങള്‍ എത്തിക്കുന്ന ഓള്‍ ഫാക്ടറി ന്യൂറോണുകള്‍ക്ക് പിന്തുണ നല്‍കുന്ന ഒരു കൂട്ടം കോശങ്ങളെയാണ് കൊറോണ വൈറസ് ബാധിക്കുന്നതെന്നാണ് ഹാര്‍വാഡ് മെഡിക്കല്‍ സ്‌കൂളിലെ ശാസ്ത്രജ്ഞര്‍ പറയുന്നത്.ഈ കോശങ്ങള്‍ക്ക് ഉണ്ടാകുന്ന അണുബാധ കാരണം ഓള്‍ഫാക്ടറി ന്യൂറോണുകള്‍ക്ക് കൃത്യമായി മണം തലച്ചോറില്‍ എത്തിക്കാന്‍ സാധിക്കാതെ വരികയും കൊറോണ ബാധിച്ചയാള്‍ക്ക് മണം നഷ്ടമാകുകയും ചെയ്യുന്നു.
അണുബാധ മാറുമ്ബോഴേക്കും ഓള്‍ഫാക്ടറി ന്യൂറോണുകള്‍ സജീവമാകുകയും മണം തിരികെ ലഭിക്കുകയും ചെയ്യും. കൊറോണ ദീര്‍ഘകാലത്തേക്ക് മണം നഷ്ടപ്പെടുത്തുന്ന സാഹചര്യം ഉണ്ടാക്കില്ലെന്നാണ് ഗവേഷണത്തില്‍ പങ്കെടുത്ത ഹാര്‍ഡ് വാര്‍ഡ് മെഡിക്കല്‍ സ്‌കൂള്‍ ന്യൂറോബയോളജി പ്രൊഫസര്‍ വ്യക്തമാക്കി.
കൊറോണ മൂലം മണം നഷ്ടമാകുന്ന അവസ്ഥയും മറ്റ് രോഗങ്ങള്‍ മൂലം മണം നഷ്ടമാകുന്ന അവസ്ഥയും തമ്മില്‍ വ്യത്യാസമുണ്ടെന്നും ഗവേഷണത്തില്‍ വ്യക്തമാക്കുന്നു. കൊറോണ വൈറസ് ബാധിച്ച്‌ മണം നഷ്ടമാകുന്നവര്‍ക്ക് ആഴ്ച്ചകള്‍ക്കുള്ളില്‍ മണം തിരികെ ലഭിക്കും. എന്നാല്‍ മറ്റ് രോഗങ്ങള്‍ക്ക് അതിന് ചിലപ്പോള്‍ മാസങ്ങള്‍ വേണ്ടി വന്നേക്കാമെന്നും പഠനം പറയുന്നു.
