കാസര്കോട്: മയക്കുമരുന്ന് നല്കിയും പ്രലോഭിപ്പിച്ചും 19-കാരിയെ കൂട്ടബലാത്സംഗത്തിനിരയാക്കിയ കേസില് ഒരാളെ കൂടി ക്രൈംബ്രാഞ്ച് അറസ്റ്റ് ചെയ്തു. ചെര്ക്കള കല്ലക്കട്ടയിലെ സാലിം (26) ആണ് അറസ്റ്റിലായത്.
പെണ്കുട്ടിയെ ചെര്ക്കള, കാസര്കോട്, മംഗളൂരു, തൃശ്ശൂര് തുടങ്ങിയ സ്ഥലങ്ങളിലുമെത്തിച്ച് ഒറ്റയ്ക്കും കൂട്ടമായും പീഡിപ്പിച്ച കേസിലാണ് അറസ്റ്റ്. തുടര്ച്ചയായുള്ള പീഡനം കാരണമുണ്ടായ ആരോഗ്യ-മാനസിക പ്രശ്നങ്ങളെ തുടര്ന്ന് ആസ്പത്രിയില് ചികിത്സ തേടിയപ്പോള് നടത്തിയ കൗണ്സലിങ്ങിലാണ് പെണ്കുട്ടി പീഡനവിവരങ്ങള് വെളിപ്പെടുത്തിയത്.
തുടര്ന്നാണ് കാസര്കോട് വനിതാ പോലീസ് കേസെടുത്തതും തുടരന്വേഷണം ജില്ലാ ക്രൈംബ്രാഞ്ചിന് കൈമാറിയതും. പീഡന പരമ്പരയുമായി ബന്ധപ്പെട്ട് ആറ് കേസുകളാണ് ഇതുവരെയെടുത്തത്. രണ്ടു പ്രതികളെ കൂടി അറസ്റ്റ് ചെയ്യാനുണ്ടെന്ന് പോലീസ് അറിയിച്ചു.
