ലോകത്തിലെ തന്നെ ഏറ്റവും ചെലവേറിയ രണ്ടാമത്തെ സ്വകാര്യ ഭവനമാണ് ശതകോടീശ്വരന് മുകേഷ് അംബാനിയുടെ ആന്റിലിയ. കുടുംബസമേതമാണ് മുകേഷ് അംബാനി ഇവിടെ കഴിയുന്നത്. മകള് ഇഷ അംബാനി വിവാഹ ശേഷം ആന്റിലിയയില് നിന്ന് മാറി ഭര്ത്താവ് ആനന്ദ് പിരമലിനൊപ്പം ഗുലിത മാന്ഷനിലാണ് താമസം.
ആന്റിലിയയെക്കാള് ഒട്ടും പിന്നിലല്ല ഗുലിത മാന്ഷനും. മുംബയിലെ വര്ളിയില് സ്ഥിതി ചെയ്യുന്ന ഗുലിത മാന്ഷന് 500 കോടി രൂപയാണ് നിര്മ്മാണച്ചെലവ് എന്നാണ് റിപ്പോര്ട്ട്. അറബിക്കടലിന് അഭിമുഖമായി അഞ്ചു നിലകളിലാണ് വീട് നിര്മ്മിച്ചിരിക്കുന്നത്. 50000 ചതുരശ്ര അടിയില് അത്യാധുനിക സൗകര്യങ്ങളോട് കൂടിയ വീട് ഡയമണ്ട് തീമിലാണ് രൂപകല്പന ചെയ്തിരിക്കുന്നത്. തിളങ്ങുന്ന ഗ്ലാസ് ഭിത്തികള് പുറത്തെ മനോഹര കാഴ്ച സമ്മാനിക്കുന്നു.
സ്വിമ്മിംഗ് പൂളും പൂന്തോട്ടവും ബേസ്മെന്റില് മൂന്നുനില പാര്ക്കിംഗ് സൗകര്യവും ഇവിടെയുണ്ട്. പ്രാര്ത്ഥനയ്ക്കായി ആന്റിലിയയെ പോലെ ക്ഷേത്രവും ഒരുക്കിയിട്ടുണ്ട്. ലണ്ടന് ആസ്ഥാനമായ എന്ജിനീയറിംഗ് സ്ഥാപനമായ എക്കേഴ്സ്ലി ഒകല്ലഗന് നിരവധി ത്രീഡി മോഡലിംഗ് ടൂളുകള് ഉപയോഗിച്ചാണ് കെട്ടിടം രൂപകല്പന ചെയ്തത്. ഹിന്ദുസ്ഥാന് യൂണിലിവറിന്റെ ഉടമസ്ഥതയില് ആയിരുന്നു ഈ സ്ഥലവും കെട്ടിടവും. നിലവില് ഇതിവ് 1100 കോടി രൂപ മൂല്യം വരും .
