കല്പ്പറ്റ: സംസ്ഥാന ചാമ്പ്യന്ഷിപ്പില് പങ്കെടുക്കുന്നതിനുള്ള സബ് ജൂനിയര് ഫുട്ബോള് ടീമിനെ തെരഞ്ഞെടുക്കുന്നതിനുള്ള ഫൈനല് സെലക്ഷന് ട്രയല്സ് ഉദ്ഘാടനം എം.കെ ജിനചന്ദ്രന് സ്മാരക ജില്ലാ സ്റ്റേഡിയത്തില് ജില്ലാ സ്പോര്ട്സ് കൗണ്സില് പ്രസിഡന്റ് എം. മധു നിര്വ്വഹിച്ചു. ജില്ലാ ഫുട്ബോള് അസോസിയേഷന് പ്രസിഡന്റ് കെ റഫീഖ് അദ്ധ്യക്ഷനായിരുന്നു. എം.എസ്.പി സെലക്ടറും, മുന് കോച്ചുമായ ബിനോയ് സി ജെയിംസ് പ്രസംഗിച്ചു.
ചടങ്ങിന് ഡി.എഫ്.എ സെക്രട്ടറി ബിനു തോമസ് സ്വാഗതവും സെലക്ഷന് കമ്മിറ്റി ചെയര്മാന് സിറാജ് വി നന്ദിയും പറഞ്ഞു. കെ.എഫ്.എ എക്സിക്യുട്ടീവ് അംഗം ഷമീം ബക്കര്, ഡി.എഫ്.എ ട്രഷറര് ബൈജു കെ എസ്, ഡി.എഫ്.എ വൈസ് പ്രസിഡന്റ്മാരായ നാസര് കല്ലങ്കോടന്, സലീം കടവന്, എക്സിക്യുട്ടീവ് അംഗങ്ങളായ സജീവ് കെ.ആര്. അബ്ദുള് ലത്തീഫ് , നിഷാന്ത് മാത്യൂ, നാസര് കുരുണിയന്, സന്തോഷ് കെ.എസ്, ഡിക്സണ് മൈന്റസ് ചടങ്ങില് സന്നിഹിതരായി. ജില്ലയില് 3 കേന്ദ്രങ്ങളിലായി നടത്തിയ താലൂക്ക് തല ട്രയല്സിലൂടെ തെരഞ്ഞെടുത്ത കുട്ടികളാണ് പങ്കെടുത്തത്. ജില്ലാ ക്യാമ്പിലേക്ക് 30 കളിക്കാരെ തെരഞ്ഞെടുത്തു. ആഗസ്റ്റ് 17 മുതല് 21 വരെ തൊടുപുഴയിലാണ് സംസ്ഥാന ചാമ്പ്യന് ഷിപ്പ് മത്സരം നടക്കുന്നത്.
എം.എസ്. പി മുന് കോച്ചുമായ ബിനോയ് സി ജെയിംസ് ചിഫ് സെലക്ടറായും, സിറാജ് വി, രാജേഷ് എന്നിവര് സെലക്ടര്മാരായും നേതൃത്വം നല്കി. റഫീഖ്, മന്സൂര് അലി എം.കെ, സന്തോഷ് കെ.എസ് എന്നിവര് കളി നിയന്ത്രിച്ചു.
