ചെന്നലോട്: ഗാന്ധി ജയന്തിയോടനുബന്ധിച്ച് രാജ്യവ്യാപകമായി നടത്തപ്പെടുന്ന സ്വച്ഛദാഹി സേവ ക്യാമ്പയിൻ്റെ ഭാഗമായി തരിയോട് ഗ്രാമപഞ്ചായത്തിലെ ചെന്നലോട് വാർഡിൽ ജനകീയ പങ്കാളിത്തത്തോടെ ശുചീകരണ പരിപാടി സംഘടിപ്പിച്ചു. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ ഷമീം പാറക്കണ്ടി ഉദ്ഘാടനം ചെയ്തു. വികസന സമിതി സെക്രട്ടറി കുര്യൻ പായിക്കാട്ട് അധ്യക്ഷത വഹിച്ചു ഹെൽത്ത് ഇൻസ്പെക്ടർ കെ ശ്രീകല പദ്ധതി വിശദീകരണം നടത്തി. വാർഡ് വികസന സമിതി, ആരോഗ്യ ശുചിത്വ കമ്മിറ്റി, കുടുംബശ്രീ, ആർ ആർ ടി അംഗങ്ങൾ ,ആരോഗ്യ പ്രവർത്തകർ, ഹരിത കർമ്മ സേന അംഗങ്ങൾ എന്നിവയുടെ സഹകരണത്തോടെയാണ് പരിപാടി സംഘടിപ്പിച്ചത്. സാഹിറ അഷ്റഫ്, ആരോഗ്യപ്രവർത്തകരായ ഇ കെ അഷ്മില, പി ഷിഫാനത്ത്, സി സമദ്, പി ആർ ഓ മഞ്ജുഷ, കെ ലിസി, കെ ഷൈനി, അന്നമ്മ സെബാസ്റ്റ്യൻ തുടങ്ങിയവർ നേതൃത്വം നൽകി. ജൂനിയർ ഹെൽത്ത് ഇൻസ്പെക്ടർ പി ചാർലി സ്വാഗതവും എഡിഎസ് പ്രസിഡണ്ട് ഷീന ഗോപാലൻ നന്ദിയും പറഞ്ഞു.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷനു കീഴിലുള്ള വാളേരി, പാറക്കടവ്, കുനിക്കരച്ചാൽ ട്രാൻസ്ഫോർമർ പരിധികളിൽ നാളെ (തിങ്കളാഴ്ച) രാവിലെ 8.30 മുതൽ വൈകുന്നേരം 5.30 വരെ വൈദ്യുതി വിതരണം ഭാഗികമായി തടസപ്പെടും Facebook Twitter WhatsApp
