കൽപ്പറ്റ:കലിക്കറ്റ് സർവകലാശാലക്ക് കീഴിലെ കോളേജ് യൂണിയൻ തെരഞ്ഞെടുപ്പിൽ എസ്എഫ്ഐക്ക് മികച്ച വിജയം. ബിഎഡ് സെന്ററുകളിൽ ഉൾപ്പടെ സംഘടനാടിസ്ഥാനത്തിൽ തെരഞ്ഞെടുപ്പ് നടന്ന 18 കോളേജുകളിൽ 12 കോളേജുകളിലും എസ്എഫ്ഐക്കാണ് യൂണിയൻ.
ബുധനാഴ്ച നടന്ന തെരഞ്ഞെടുപ്പിൽ സിഎം കോളേജ് നടവയൽ, പുൽപ്പള്ളി ജയശ്രീ ആർട്സ് ആൻഡ് സയൻസ് കോളേജ്, വൈത്തിരി കൾനറി കോളേജ്, കൽപ്പറ്റ എൻഎംഎസ്എം കോളേജ്, ആറ് ബിഎഡ് കോളുജുകൾ എന്നിവിടങ്ങളിൽ എസ്എഫ്ഐ വിജയക്കൊടി പാറിച്ചു. പുൽപ്പള്ളി പഴശ്ശിരാജ കോളേജിലും പുൽപ്പള്ളിഎൻഎൻ കോളേജിലും എസ്എഫ്ഐ എതിരില്ലാതെ നേരത്തേ തെരഞ്ഞെടുക്കപ്പെട്ടിരുന്നു. ബത്തേരി സെന്റ് മേരീസിൽ യുയുസി, സെക്രട്ടറി, ജോയിന്റ് സെക്രട്ടറി സ്ഥാനവും മുട്ടിൽ ഡബ്ലുഎംഒ കോളേജിൽ ജനറൽ ക്യാപ്റ്റൻ സ്ഥാനവും എസ്എഫ്ഐ നേടി. സിഎം കോളേജ് നടവയൽ ഇടവേളക്ക് ശേഷമാണ് എസ്എഫ്ഐ തിരിച്ചുപിടിക്കുന്നത്. ആറ് ബിഎഡ് കോളേജുകളിൽ ആറ് യുയുസിയും എസ്എഫ്ഐക്കാണ്.
കാറിടിച്ച് കാൽനടയാത്രികന് ഗുരുതര പരിക്ക്
കാക്കവയൽ സുധിക്കവലയിൽ കാറിടിച്ച് കാൽനടയാത്രികനായ മധ്യവയസ്കന് ഗുരുതരമായി പരിക്കേറ്റു. സുധിക്കവല കളത്തിൽ അജിത്കുമാറിനാണ് (50) അപകടത്തിൽ പരിക്കേറ്റത്. അപകടത്തെ തുടർന്ന് ഇദ്ദേഹത്തെ ഉടൻതന്നെ കൽപറ്റ ജനറൽ ആശുപത്രിയിൽ പ്രവേശിപ്പിച്ചു. Facebook Twitter WhatsApp
