കോഴിയാണോ മുട്ടയാണോ ആദ്യം ഉണ്ടായത് ? കാലങ്ങളായി മനുഷ്യനെ കുഴപ്പിക്കുന്ന ഈ ചോദ്യത്തിന് ഉത്തരം ലഭിച്ചുവെന്ന അവകാശ വാദവുമായി രംഗത്തെത്തിയിരിക്കുകയാണ് ഷെഫീൽഡ് ആൻഡ് വാർവിക്ക് ( Sheffield and Warwick ) യൂണിവേഴ്സിറ്റികളിലെ ശാസ്ത്രജ്ഞർ. യുണിലാഡ് (Unilad) പങ്ക് വച്ച ഇൻസ്റ്റഗ്രാം പോസ്റ്റിലാണ് ഈ കാര്യം വ്യക്തമാക്കുന്നത്. മുട്ടയുടെ തോടിന് കാരണമാകുന്ന ഒരു പ്രോട്ടീൻ കാണപ്പെടുന്നത് കോഴികളുടെ അണ്ഡാശയത്തിൽ മാത്രമാണെന്നും അതുകൊണ്ട് തന്നെ ആദ്യമുണ്ടായത് കോഴിയാണ് എന്നുമാണ് കണ്ടെത്തൽ.
ഓവോക്ലെഡിഡിൻ -17 (Ovocledidin -17) എന്ന ഈ പ്രോട്ടീൻ മുട്ടയുടെ തോടിന്റെ നിർമ്മാണത്തിൽ ഒരു ഉത്പ്രേരകമായി പ്രവർത്തിക്കുന്നു. മുട്ടയുടെ ഉത്പാദന പ്രക്രിയയെക്കുറിച്ച് ഉള്ള കൂടുതൽ വിവരങ്ങൾ ഒരു സൂപ്പർ കമ്പ്യൂട്ടറിന്റെ സഹായത്തോടെ ലഭ്യമാക്കിയാണ് ഈ കണ്ടെത്തൽ നടത്തിയത്. HECToR എന്ന് പേരിട്ടിരിക്കുന്ന ഈ സൂപ്പർ കമ്പ്യൂട്ടറിന്റെ സഹായത്തോടെ കണ്ടെത്തിയ വിവരങ്ങൾ അനുസരിച്ച് മുട്ടയുടെ തോടിന്റെ നിർമ്മാണത്തിൽ OC-17 സുപ്രധാന പങ്ക് വഹിക്കുന്നു.
എന്നാൽ ഈ കണ്ടെത്തലിന് സമ്മിശ്ര പ്രതികരണങ്ങളാണ് ഉണ്ടായിരിക്കുന്നത്. കോഴിയിൽ നിന്ന് അല്ലാതെ മറ്റൊരു ജീവിയിൽ നിന്നും ഉണ്ടായ മുട്ട വിരിഞ്ഞു കോഴി ഉണ്ടായി എന്നാണ് ഒരു വാദം. എന്നാൽ ആദത്തിനും ഹൗവയ്ക്കും ഒപ്പം ദൈവം പക്ഷി മൃഗാദികളെയും സൃഷ്ടിച്ചു. ആ സൃഷ്ടിയുടെ ഭാഗമാണ് കോഴി എന്നും ശാസ്ത്രജ്ഞർ ആളുകളെ തെറ്റിദ്ധരിപ്പിക്കുകയാണെന്നും മറ്റൊരു കൂട്ടർ പറയുന്നു.
നേച്ചർ ഇക്കോളജി ആൻഡ് ഇവൊലൂഷനിൽ (Nature Ecology & Evolution ) മുൻപ് പ്രസിദ്ധീകരിച്ച മറ്റൊരു റിപ്പോർട്ട് അനുസരിച്ച് ഉരഗങ്ങൾ, പക്ഷികൾ, സസ്തനികൾ തുടങ്ങി അംനിയോട്ട് (amniyotes) വിഭാഗത്തിൽ ഉൾപ്പെടുന്ന ജീവികൾക്ക് വിവിപാരിറ്റിക്ക് ഉള്ള കഴിവ് ഉണ്ടായിരുന്നു. ചെറുപ്പമായി ജീവിക്കാനും ഭ്രൂണത്തെ നില നിർത്താനും (EER) ഇവയ്ക്ക് ഉണ്ടായിരുന്ന ഈ കഴിവ് അംനിയോട്ടുകളുടെ വർദ്ധനയ്ക്ക് ഇടയാക്കി. 29 ഓളം ജീവനുള്ള സ്പീഷീസുകളെയും 51 ഓളം ഫോസിൽ സ്പീഷീസുകളെയും പഠന വിധേയമാക്കിയതിന്റെ അടിസ്ഥാനത്തിലായിരുന്നു ഈ കണ്ടെത്തൽ.
