കേരള ലാറ്റിൻ കാത്തലിക്ക് അസോസിയേഷൻ്റെ നേതൃത്വത്തിൽ സംവരണ അട്ടിമറിക്കെതിരെ കലക്ടറേറ്റിനു മുന്നിൽ നിൽപ്പ് സമരം നടത്തി.കോഴിക്കോട് രൂപത ലാറ്റിൻ കാത്തലിക്ക് അസോസിയേഷൻ ഡയറക്ടറും, വയനാട് സൗത്ത് ഫോറോന വികാരിയുമായ റവ. ഫാ. പോൾ ആൻഡ്രൂസ് സമരം ഉദ്ഘാടനം ചെയ്തു.ലത്തീൻ കത്തോലിക്കാ ആംഗ്ലോ ഇന്ത്യൻ വിദ്യാർത്ഥികൾക്ക് എല്ലാ കോഴ്സുകൾക്കും നാലു ശതമാനം ഏർപ്പെടുത്തുക,
സവർണ പ്രീണനം അവസാനിപ്പിച്ച് സാമൂഹ്യ രീതി ഉറപ്പു വരുത്തുക, സംവരണം നടപ്പാക്കുന്നതിലെ അശാസ്ത്രീയത പരിഹരിക്കുക എന്നീ ആവശ്യങ്ങളുന്നയിച്ചായിരുന്നു നിൽപ്പ് സമരം നടത്തിയത്. 12 രൂപതകൾ സംയുക്തമായി സംസ്ഥാനത്തെ മുഴുവൻ താലൂക്ക്, സിവിൽ സ്റ്റേഷൻ കേന്ദ്രങ്ങളിലും നിൽപ്പ് സമരം നടത്തുന്നതിൻ്റെ ഭാഗമായാണ് കലക്ടറേറ്റിൽ ഇന്ന് സമരം സംഘടിപ്പിച്ചത്.
ടെൻഡർ ക്ഷണിച്ചു
മാനന്തവാടി ഗവ.മെഡിക്കൽ കോളേജ് ആശുപത്രിയിലേക്ക് മരുന്നുകളും കെമിക്കലുകളുംസും മറ്റ് മെഡിക്കൽ ഉത്പന്നങ്ങളും വിതരണം ചെയ്യാൻ താത്പര്യമുള്ള അംഗീകൃത സ്ഥാപനങ്ങൾ/ വ്യക്തികളിൽ നിന്ന് ടെൻഡർ ക്ഷണിച്ചു. ടെൻഡറുകൾ ജനുവരി അഞ്ച് രാവിലെ 10 വരെ സ്വീകരിക്കും.
