ലോകാരോഗ്യ സംഘടനയുടെ (ഡബ്ല്യുഎച്ച്ഒ) റിപ്പോർട്ട് അനുസരിച്ച്, അന്താരാഷ്ട്ര തലത്തിൽ എട്ടിൽ ഒരാൾ മാനസിക വിഭ്രാന്തിയുടെ ഇരയാണ്. ഇന്ന് സമ്മർദ്ദവും വിഷാദവും സാധാരണമായി മാറുകയാണ്. ജോലി സമ്മർദം, സാമ്പത്തിക പ്രശ്നങ്ങൾ അല്ലെങ്കിൽ ബന്ധങ്ങളിൽ ഉണ്ടാകുന്ന പ്രശനങ്ങളൊക്കെ മാനസിക വിഭ്രാന്തിക്ക് ഇടയാക്കുന്നു.
വിഷാദം ഒരു മാനസിക വൈകല്യമാണ്, അതുമൂലം ഒരു വ്യക്തിക്ക് സങ്കടവും നിരാശയും അനുഭവപ്പെടാൻ തുടങ്ങുന്നു. വിഷാദരോഗം ഏതൊരു വ്യക്തിയുടെയും ദൈനംദിന ജീവിതത്തെ പ്രതികൂലമായി ബാധിക്കുന്നു.
വിഷാദ രോഗത്തിന്റെ അടിസ്ഥാന ലക്ഷണങ്ങൾ..
1. നിരന്തരമായി ദുഖവും ഏകാന്തതയും അനുഭവപ്പെടുക .
2. വിഷാദരോഗം ബാധിച്ച ഒരാൾക്ക് ഒരു ജോലിയും ചെയ്യാനോ ആസ്വദിക്കാനോ താല്പര്യം തോന്നില്ല.
3. വിഷാദം ഒരു വ്യക്തിയുടെ വിശപ്പിനേയും ബാധിക്കുന്നു. ഇക്കാരണത്താൽ, പെട്ടെന്ന് ശരീരഭാരം കുറയുകയോ വർധിക്കുകയോ ചെയ്യുന്നു.
4. വിഷാദരോഗത്തിൽ ഉറക്കവുമായി ബന്ധപ്പെട്ട പ്രശ്നങ്ങൾ വളരെ സാധാരണമാണ്. ഈ പ്രശ്നം കാരണം, പലപ്പോഴും ആളുകൾ ശരിയായ രീതിയിൽ ഉറങ്ങാറില്ല.
5. ഒരു രാത്രി മുഴുവൻ ഉറങ്ങിയതിനു ശേഷവും നിരന്തരമായ ക്ഷീണവും ഊർജക്കുറവും അനുഭവപ്പെടുന്നത് വിഷാദരോഗത്തിന്റെ ഒരു പ്രത്യേക ലക്ഷണമാണ്.
6. വിഷാദം ഒരു വ്യക്തിയുടെ ശ്രദ്ധ കേന്ദ്രീകരിക്കാനും തീരുമാനങ്ങൾ എടുക്കാനും കാര്യങ്ങൾ ഓർത്തിരിക്കാനുമുള്ള കഴിവിനെ തകരാറിലാക്കും, അത് അവരുടെ ജോലിയെ ബാധിക്കും.
7. വിഷാദരോഗമുള്ള ആളുകൾക്ക് പലപ്പോഴും നെഗറ്റീവ് ചിന്തകൾ, കുറ്റബോധം അല്ലെങ്കിൽ ഭാവിയെക്കുറിച്ചുള്ള നിരാശയുടെ വികാരങ്ങൾ എന്നിവ അനുഭവപ്പെടുന്നു.
8. വിഷാദം കാരണം, ആളുകൾ ചെറിയ കാര്യങ്ങളിൽ പ്രകോപിതരും ദേഷ്യപ്പെടുന്നവരുമായി മാറിയേക്കാം.
9. വിഷാദരോഗം ബാധിച്ച ആളുകൾ സുഹൃത്തുക്കളിൽ നിന്നും ബന്ധുക്കളിൽ നിന്നും സാമൂഹിക പ്രവർത്തനങ്ങളിൽ നിന്നും പൂർണ്ണമായും അകന്നുപോകുന്നു.
10. വിഷാദരോഗം ബാധിച്ച ഒരു വ്യക്തിക്ക് മരണത്തെക്കുറിച്ചും ആത്മഹത്യയെക്കുറിച്ചും നിരന്തരമായ ചിന്തകൾ ഉണ്ടാകാറുണ്ട്. അത്തരം ചിന്തകൾ ഉണ്ടാകുന്നത് വിഷാദരോഗത്തിന്റെ ഏറ്റവും അപകടകരമായ അവസ്ഥയാണ്.
