പടിഞ്ഞാറത്തറ പോലീസ് സ്റ്റേഷന് പരിധിയില് മീൻ മുട്ടിക്കു സമീപം പോലീസും മാവോയിസ്റ്റുകളും തമ്മില് നടന്ന വെടിവെപ്പില്
ഒരു മാവോയിസ്റ്റ് കൊല്ലപ്പെട്ട സംഭവത്തില് മജിസ്ട്രേറ്റ്തല അന്വേഷണം നടത്തുന്നതിന് വയനാട് ജില്ലാ മജിസ്ട്രേറ്റ് കൂടിയായ ജില്ലാ കലക്ടര് ഡോ.അദീല അബ്ദുള്ളയെ ചുമതലപ്പെടുത്തി സര്ക്കാര് ഉത്തരവായി.
ക്രിമിനല് നടപടി ചട്ടം സെക്ഷന് 176 പ്രകാരം അന്വേഷണം പൂര്ത്തിയാക്കി മൂന്ന് മാസത്തിനകം റിപ്പോര്ട്ട് നല്കാനാണ് ആഭ്യന്തര വകുപ്പ് അഡീഷണല് ചീഫ് സെക്രട്ടറി ടി.കെ ജോസ് ഇറക്കിയ ഉത്തരവില് നിര്ദ്ദേശിച്ചിരിക്കുന്നത്.
നവംബര് 3 നാണ് വെടിവെപ്പില് തമിഴ്നാട് സ്വദേശിയും മാവോയിസ്റ്റുമായ വേല്മുരുകന് (32) കൊല്ലപ്പെട്ടത്. വ്യാജ ഏറ്റുമുട്ടലിലാണ് വേല്മുരുകന് കൊല്ലപ്പെട്ടതെന്നാരോപിച്ച് ബന്ധുക്കള് രംഗത്ത് വന്നിരുന്നു.
