ജില്ലയില് മഴക്കാല മുന്നൊരുക്ക പ്രവര്ത്തനങ്ങള് ഊര്ജ്ജിതമാക്കണമെന്നും മഴക്കാല രോഗപ്രതിരോധ പ്രവര്ത്തനങ്ങളും മാലിന്യ സംസ്ക്കരണവും ഉറപ്പാക്കാന് ജില്ലാ കളക്ടര് ഡോ. രേണുരാജ് നിര്ദേശം നല്കി. കളക്ടറേറ്റിലെ ആസൂത്രണഭവന് എ.പി.ജെ ഹാളില് നടന്ന വരള്ച്ചാ ദുരിതാശ്വാസ- മഴക്കാല മുന്നൊരുക്ക യോഗത്തിലാണ് ഉദ്യോഗസ്ഥര്ക്ക് നിര്ദേശം നല്കിയത്. മഴക്കാലത്തിന് മുന്നോടിയായി റോഡ് അരികുകളില് അപകടാവസ്ഥയിലുള്ള മരങ്ങള്, ശാഖകള് ബന്ധപ്പെട്ട വകുപ്പുകള് മുറിച്ച് മാറ്റണം. ഗ്രാമപഞ്ചായത്ത് തലത്തില് രൂപീകരിച്ച വൃക്ഷ കമ്മിറ്റി അടിയന്തരമായി ചേര്ന്ന് മെയ് 31 നകം എല്ലാ പരാതികളും തീര്പ്പാക്കി ജില്ലാ കളക്ടര്ക്ക് റിപ്പോര്ട്ട് സമര്പ്പിക്കണം. ജില്ലയിലെ ടൂറിസ്റ്റ് കേന്ദ്രങ്ങളില് മഴക്കാലത്തിന് മുന്നോടിയായി ക്ലീനിങ് ഡ്രൈവ് സംഘടിപ്പിക്കും. സ്വകാര്യ വ്യക്തികള് നടത്തുന്ന ടൂറിസ്റ്റ് കേന്ദ്രങ്ങളോട് ചേര്ന്ന് മാലിന്യങ്ങള് ശ്രദ്ധയില്പ്പെട്ടാല് ബന്ധപ്പെട്ട പഞ്ചായത്ത് അധികൃതര് പിഴ ഈടാക്കണമെന്ന് കളക്ടര് അറിയിച്ചു. തദ്ദേശസ്വയംഭരണ സ്ഥാപനതലത്തില് ദുരന്തനിവാരണ പ്രവര്ത്തനങ്ങളുടെ ഭാഗമായി യോഗം ചേരാന് കളക്ടര് ആവശ്യപ്പെട്ടു. ജില്ലയില് വരള്ച്ചാ പ്രതിരോധ പ്രവര്ത്തനങ്ങല്ക്കായി വിവിധ വകുപ്പുകള് നടത്തിയ പ്രവര്ത്തനങ്ങള് യോഗത്തില് അവലോകനം ചെയ്തു. പ്രകൃതി ദുരന്ത മേഖലയിലെ ആളുകളെ ഒഴിപ്പിക്കല്, രക്ഷാപ്രവര്ത്തനം ഏകോപിപ്പിക്കല്, സ്വകാര്യ ഭൂമിയിലെ അപകടകരമായ മരങ്ങള്, ചില്ലകള് കണ്ടെത്തി മുറിച്ചു മാറ്റാന് ദുരന്ത നിവാരണം നിയമം 2005 പ്രകാരം പൊതുജനങ്ങള്ക്ക് യഥാസമയം തദ്ദേശ സ്ഥാപനങ്ങള് നിര്ദ്ദേശം നല്കണം. ദുരന്ത സാധ്യത പ്രദേശത്ത് താമസിക്കുന്നവര് മാറി താമസിക്കാന് മുന്നറിയിപ്പ് ലഭിച്ചാല് അനുസരിക്കണം. ദുരിതാശ്വാസ ക്യാമ്പ് സജ്ജീകരണം, വാസയോഗ്യമല്ലാത്ത സ്ഥലങ്ങളില് നിന്നും മാറ്റി പാര്പ്പിക്കല്, താലൂക്ക്തല കണ്ട്രോള് റൂ സജീകരണം എന്നിവ റവന്യൂ വകുപ്പ് നിര്ഹിക്കും. പ്രളയവും മണ്ണിടിച്ചിലും ബാധിക്കാന് സാധ്യതയുള്ള ആരോഗ്യ കേന്ദ്രങ്ങളുടെ ലിസ്റ്റ് ആരോഗ്യ വകുപ്പ് തയ്യാറാക്കി ബന്ധപ്പെട്ട അധികൃതര്ക്ക് കൈമാറണം. മഴക്കാല രോഗ പ്രതിരോധ ക്യാമ്പുകള്, അവശ്യ മരുന്നുകളുടെ ലഭ്യത ആരോഗ്യ വകുപ്പ് ഉറപ്പാക്കണം. ദുരിതാശ്വാസ ക്യാമ്പുകളിലെ ആരോഗ്യ സംരക്ഷണ മുന്കരുതലുകളും ആരോഗ്യ വകുപ്പ് സ്വീകരിക്കും. ആശുപത്രികളുടെ ഫിറ്റ്നസ് ഉറപ്പാക്കണം. വനത്തിനകത്ത് താമസിക്കുന്നവര്ക്ക് ആവശ്യമായ ഭക്ഷ്യസാധനങ്ങള് ഭക്ഷ്യ-വനം വകുപ്പുകള് ഉറപ്പ് വരുത്തണം. അതിതീവ്ര മഴപെയ്യുന്ന സമയങ്ങളില് വനമേഖലയിലെ ഊരുകളില് പ്രത്യേക ശ്രദ്ധ പുലര്ത്താന് വനം വകുപ്പിന് ചുമതല നല്കി. പട്ടികവര്ഗ്ഗ കോളനികളിലെ വീടുകളുടെ ചോര്ച്ച തടയുന്നതിനും കോളനികള്ക്ക് ഭീഷണിയായ മരങ്ങള് മുറിച്ചുമാറ്റുന്നതിന് വേണ്ട നടപടികള് സ്വീകരിക്കാന് പട്ടികജാതി- പട്ടികവര്ഗ്ഗ വികസന വകുപ്പിനോട് ആവശ്യപ്പെട്ടു. യോഗത്തില് എ.ഡി.എം കെ ദേവകി, ഡെപ്യൂട്ടി കളക്ടര് സി.മുഹമ്മദ് റഫീക്ക്, ജില്ലാതല ഉദ്യോഗസ്ഥര് എന്നിവര് പങ്കെടുത്തു.
ശ്രീനാരായണ ധർമ്മീമാംസ പരിഷത്തും ശ്രീ ശാരദ പ്രതിഷ്ഠ വാർഷിക മഹോത്സവവും ഞായറാഴ്ച നടക്കും
പുൽപ്പള്ളി:ഗുരുധർമ്മ പ്രചരണ സഭ വയനാട് ജില്ലാ കമ്മിറ്റിയുടെയും മാതൃസഭ,യുവജന സഭ ജില്ലാ കമ്മിറ്റികളുടെയും സംയുക്ത ആഭിമുഖ്യത്തിൽ 114 -മത് ശ്രീ ശാരദ പ്രതിഷ്ഠാ വാർഷിക മഹോത്സവവും 64-ാമത് ശ്രീനാരായണ ധർമ്മ മീമാംസ പരിഷത്തും സംഘടിപ്പിക്കും.
