ലഹരിവിരുദ്ധ ലോഗോ പ്രകാശനം ചെയ്തു.

കണിയാരം : കണിയാരം എ. എൽ. പി സ്കൂളിൽ ഒരു മാസക്കാലം നീണ്ടുനിൽക്കുന്ന ലഹരിവിരുദ്ധപ്രവർത്തനങ്ങളുടെ ഭാഗമായി BEYOND THE BUZZ ലോഗോ പ്രകാശനകർമം ഡിവിഷൻ കൗൺസിലർ വി. യു ജോയ് നിർവഹിച്ചു. തുടർന്ന് ലഹരിവിരുദ്ധ കുട്ടിച്ചങ്ങല, ലഹരിവിരുദ്ധസന്ദേശറാലി എന്നിവയും സംഘടിപ്പിക്കപ്പെട്ടു. വിദ്യാലയത്തിലെ മുഴുവൻ വിദ്യാർത്ഥികളും അധ്യാപകരും ലഹരിവിരുദ്ധ ലോഗോ ബാഡ്ജ് ധരിച്ചുകൊണ്ട് പ്രവർത്തനങ്ങളിൽ പങ്കാളികളായി. ലഹരിക്കെതിരെയുള്ള ബോധവൽക്കരണവുമായി വിദ്യാർത്ഥികളുടെ കുടുംബങ്ങളിലും സമൂഹത്തിലും നിരവധി പ്രവർത്തനങ്ങൾ വിദ്യാലയം ഏറ്റെടുത്തു നടത്തിവരികയാണ്. പ്രധാനാധ്യാപിക ശ്രുതി ലോനപ്പൻ, അധ്യാപകരായ സാലി പോൾ കെ, അബ്ദുൾ നാസർ എന്നിവർ സംസാരിച്ചു.